• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Ամերիկա, Եվրոպա, Միջին Արևելք, Հայաստան, Արցախ
09.07.2018 | 19:30

Կրակոցներ կան Զանգակատուն գյուղի ուղղությամբ. համայնքապետը հաստատում է

Հեղինակ՝ Գոհար Ավետիսյան 

Նախօրեին Արարատի մարզի Զանգակատուն գյուղի բնակիչները լրագրողների հետ հանդիպում են ունեցել, որտեղ հայտարարել են, թե գյուղը կրակի տակ է հայտնվել, դաշտերն այրվում են, ադրբեջանական զինուժն էլ շուրջ 50 հա առաջ է եկել: Հարցի առնչությամբ ՀԱՅ ՁԱՅՆ լրատվականը զրուցեց Զանգակատուն համայնքի ղեկավարի ժամանակավոր պաշտոնակատար Հովիկ Կարապետյանի հետ:

-Արդյոք իրականությանը համապատասխանում ե՞ն Զանգակատան բնակիչների արված հայտարարությունները, որ գյուղը կրակի տակ է, ցանքատարածությունները՝ ևս:

-Ինչ վերաբերում է կրակոցներին, ապա այո՛, կրակոցներ կան, բայց ոչ գյուղի վրա, այլ գյուղի ուղղությամբ: Ցանքատարածություններ էլ կան, որոնք հակառակորդի կողմից դիտարկվող տարածքում են, և այդ ցանքատարածություններում այս պահին գյուղացիները չեն կարողանում հացահատիկը քաղել, քանի որ հակառակորդը կրակում է այդ ուղղությամբ:

-Գյուղի ուղղությամբ կրակոցները պարբերական բնույթ ե՞ն կրում:

-Պարբերականությունը ես չեմ կարող ասել,  խնդրում եմ դիմել Պաշտպանության նախարարությանը կամ նրանց ենթակա զորամասի հրամանատարին:

-Իսկ հաստատո՞ւմ եք ձեր համայնքի բնակիչների այն հայտարարությունը, որ «դաշտերը հրդեհների մեջ են»: 

-Ցանքատարածություններ չեն այրվել այս պահի դրությամբ, փառք Աստծո, որովհետև փրկարարների, զինվորականների և գյուղացիների համատեղ ջանքերի շնորհիվ հրդեհը մարվել է: Չենք թողել, որ ցանքատարածություններ այրվեն: Այրված տարածքներն էլ հիմնականում խոտհարքներ են, մնացած մասը՝ արոտավայրեր, իսկ ցանքատարածքներ չեն այրվել առայժմ:

-Հրդեհը որտե՞ղ է բռնկվել, գյուղից ի՞նչ հեռավորության վրա:

Բռնկված հրդեհը եկել է հակառակորդի կողմից, դիրքերի միջտարածությունից մի փոքր անցել է դեպի գյուղի կողմ: Գյուղին պատկանող տարածքներն են այրվել գյուղից մոտ 5-6 կմ տարածության վրա: Մի քանի օր շարունակ հրդեհաշիջման աշխատանքներ էին իրականացվում, և իմ տեղեկություններով, հրդեհը հակառակորդի կողմից է բռնկվել և տարածվել դեպի մեր կողմ:

-Համայքի բնակիչները նշել էին, որ ադրբեջանական զինուժը շուրջ 50 հա առաջ է եկել և գյուղի արոտավայրերը ու ցանքատարածքները դիտարկող մոտ  6 դիրք դրել: Հավաստի՞ է այս տեղեկությունը:

-Այդ հարցին ես չեմ պատասխանի, դրա համար կան համապատասխան մարմիրններ:

-Ինչ-որ գործողություններ կատարվում ե՞ն, որ գյուղացիները կարողանան իրնենց ցանքատարածություններ գնալ, ավարտին հասցնել բերքահավաքը:

-Որքանով ես եմ տեղեկացված՝ ինձ վերաբերող մասով, կան այդ գործողությունները: Համենայն դեպս, մեր գյուղի մոտ տեղակայված զորամասի ստորաբաժանման ղեկավարը վստահեցնում է, որ կան: Իսկ թե ինչ միջոցներով, ես չեմ կարող ասել:

-Իսկ միջոցներ ձեռնարկվո՞ւմ են վնաս կրած գյուղացիներին օգնություն ցուցաբերելու համար:

-Նմանատիպ խոսակցություններ ու քննարկումներ չեն եղել, ես չեմ կարող ասել:


    Լրահոս
    Քաղաքականություն
    Վարչապետ Նիկոլ Փաշինյանը ՄԱԿ-ի Գլխավոր ասամբլեայում հանդես է եկել ելույթով (տեսանյութ)
    Օրացույց
    Ամենաընթերցված
    Եկեղեցական օրացույց
    /