• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Արցախ
09.07.2018 | 18:58

Հայաստանում կան ուժեր, որոնք շահագրգիռ են սահմանի լարվածության համար. Գառնիկ Իսագուլյան

Հեղինակ՝ ԱԿԱԹԻ ՎԱՀԱՆՅԱՆ

Արցախի սահմանում իրավիճակը հանգիստ է և գտնվում է երկրի ղեկավարության ուշադրության կենտրոնում: Այս մասին լրագրողների հետ զրույցում հայտարարեց ՀՀ-ում Արցախի Հանրապետության ներկայացուցիչ, Արցախի նախագահի խորհրդական Գագիկ Իսագուլյանը:

«Մեր զինվորը առաջնագծում կանգնած է վստահ և  հպարտ: Արցախի Հանրապետության նախագահ Բակո Սահակյանի և վարչապետ Նիկոլ Փաշինյանի կապը ոչ թե ամենօրյա է, այլ օրը մի քանի անգամ, նրանք այս խնդիրների վերաբերյալ ամենօրյա ակտիվ խորհրդակցությունների մեջ են: Այս հարցերը գտնվում են երկրի ղեկավարության ուշադրության կենտրոնում և ամեն ինչ արվում է, որ հավելյալ խնդիրներ չունենանք»,- ասաց գառնիկ  Իսագուլյանը՝ հորդորելով սահմանային հարցերի վերաբերյալ առաջինը վստահել պաշտոնական տեղեկատվությանը:

Անդրադառնալով առաջնագծում ադրբեջանական զինտեխնիկայի կուտակումներին, Իսագուլյանը նշեց, որ վտանգ միշտ կա:  

«Մենք երբևէ չենք ասում, որ վտանգն ի սպառ բացակայում է, մենք  շատ ուշադիր էինք, թե Ադրբեջանի զորահանդես ժամանակ  ինչ էր կատարվում առաջնագծում:  Այդ օրերին դիրքերից տեխնիկա հետ չի գնացել,  դա ևս մտահոգիչ էր մեզ համար: Սա է պատճառը, որ ես անընդհատ շեշտում եմ կայունության մասին»,- ասաց Գառնիկ Իսագուլյանը:

Բանախոսը կարևոր եզրափակում արեց, որ,  ցավոք, Հայաստանում կան ուժեր, որոնք  շահագրգիռ են առաջնագծի լարվածության համար:

«Այսօր նկատելի է նաև հետևյալ երևույթը, չգիտեմ՝ որքանով է ճիշտ  դա ասելը, բայց, ամեն դեպքում, լրատվամիջոցները ևս պետք է մտածեն սրա  շուրջ: Հայաստանում կան ուժեր, ովքեր  կցանկանային, որ առաջնագծում ինչ-որ բան տեղի ունենար և մենք կորուստներ ունենայինք: Սա վտանգավոր է, որ հասարակության մեջ երբեմն նման տրամադրություններ են առաջանում, կախված  Հայաստանի  ներքաղաքական կյանքում տեղի ունեցող լուրջ փոփոխությունների հետ: Չգիտենք՝ դա ինչպես ասենք՝ վրեժխնդրություն, թե այլ բան, բայց սա շատ  վտանգավոր մոտեցում է»,- ասաց Իսագուլյանը՝ այդպես էլ չասելով, թե որ ուժերի մասին է  խոսքը: 



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /