• USD 480.3
  • GBP 626.02
  • EUR 558.49
  • RUB 7.62
  • GEL 195.84
Հուլիս 18, 2018
Անցյալի պատմությունը լուսատու լապտեր է

Անցյալի պատմությունը մի լուսատու լապտեր է, որ ամեն մի ժողովուրդ ձեռքին պետք է ունենա իր ճամփեն անմոլոր գնալու համար:

 

Հովհաննես Թումանյան

Հայաշխարհի ձայն, Լրահոս
09.07.2018 | 21:15

«Թավշյա իշխանափոխության» ոչ մի դրվագում աշխարհաքաղաքականությունը դերակատարում չունեցավ. Մարգարիտ Եսայան

Հայաստանի համաժողովրդական համախմբումը յուրօրինակ էր նաև այն առումով, որ չուներ աշխարհաքաղաքական  օրակարգ, ինչպես ընդդիմության ոչ մի ղեկավար, այնպես էլ իշխանության ոչ մի ներկայացուցիչ փորձ անգամ չարեցին ներգրավելու միջազգային քաղաքականությունը: ՀՀ ԱԺ հանրային ժողովի Հանրային կապերի վարչության տեղեկացմամբ՝ այս մասին Ֆրանկոֆոնիայի Խորհրդարանական վեհաժողովի 44-րդ լիագումար նիստի քաղաքական հարցերի հանձնաժողովում ունեցած ելույթում հայտարարել է Վեհաժողովում Հայաստանի ԱԺ պատվիրակության ղեկավար Մարգարիտ Եսայանը:

«Ողջունում եմ ձեզ Ֆրանկոֆոնիայի ԽՎ-ի լիագումար 44-րդ նիստի անցկացման կապակցությամբ: Ֆրանկոֆոն աշխարհն այս տարի բավական հագեցած օրակարգով է աշխատում, ինչը խիստ կարևոր է միասին ապրելու և միասին աշխատելու կարգախոսն իրականություն դարձնելու համար: Արդեն հոկտեմբերին Հայաստանի մայրաքաղաքում տեղի կունենա Ֆրանկոֆոնիայի միջազգային կազմակերպության 17-րդ նիստը և, կարծում եմ, ձեր երկրները հավուր պատշաճի ներկայացված կլինեն այս կարևոր համաժողովին: Սա իմ երկրի համար անչափ կարևոր է և կարևոր է հատկապես հիմա: Վստահ եմ՝ բոլորդ այս տարվա մարտ-ապրիլ-մայիս ամիսներին ուշի-ուշով հետևել եք հայաստանյան իրադարձություններին, փափուկ իշխանափոխությանը, որը տեղի ունեցավ մեր երկրում:

Գիտեք, որ այս տարվա ապրիլից Հայաստանն ընկղմվեց աննախադեպ քաղաքական գործընթացների հորձանուտը. տասնյակ հազարավոր ընդիմադիրների ցույցերը հանգեցրին ապրիլի 23-ին երկրի վարչապետ Սերժ Սարգսյանի հրաժարականին, ով ընդամենը 6 օր առաջ էր խորհրդարանի կողմից վարչապետ ընտրվել` մինչ այդ տասը տարի լինելով երկրի ղեկավարը:

Հայաստանի ներկա իրավիճակը բացառիկ է մի քանի առումով: Նախևառաջ, Հայաստանն աշխարհի այն եզակի երկրներից է, որտեղ  ժողովրդին, ընդդիմությանը հաջողվեց վերցնել իշխանությունը ոչ բռնի ցույցերի արդյունքում: Երեքշաբաթյա հանրահավաքների ընթացքում չգրանցվեց անկարգության ոչ մի դեպք, վանդալիզմի և անբարեկիրթ ոչ մի գործողություն չխարանեց համաժողովրդական ընդվզման հավաքները: Հարկ է նշել նաև, որ պաշտոնից հեռացող երկրի ղեկավարը զերծ մնաց ուժի կիառումից՝ կառչած չմնալով իշխանության: Թերևս  սա ժողովրդավարության շատ հաջողված բաց դաս կարող է դառնալ շատ երկրների համար:

Համաժողովրդական այս համախմբումը յուրօրինակ էր նաև այն առումով, որ չուներ «աշխարհաքաղաքական օրակարգ»: Այս «թավշյա իշխանափոխության» ոչ մի դրվագում աշխարհաքաղաքականությունը դերակատարում չունեցավ: Ինչպես ընդդիմության ոչ մի ղեկավար, այնպես էլ իշխանության ոչ մի ներկայացուցիչ փորձ անգամ չարեցին ներգրավելու միջազգային քաղաքականությունը:

Երեքշաբաթյա ընդվզման արդյունքում Սերժ Սարգսյանի հրաժարականից հետո` մայիսի 8-ին, ընդդիմության ղեկավար Նիկոլ Փաշինյանը ՀՀ Ազգային ժողովի կողմից ընտրվեց վարչապետ: Երկրի կայունությունը պահպանելու նպատակով Սերժ Սարգսյանն անձամբ էր պնդել, որ մեծամասնություն կազմող հանրապետականներն ապահովեն անհրաժեշտ 53 քվեները` Նիկոլ Փաշինյանին վարչապետի պաշտոնում ընտրելու համար:

Արդեն նախկին իշխող ուժը՝ ՀՀԿ-ն, պարզ հայտարարեց, որ չի խանգարելու, հակառակը` աջակցելու է, որպեսզի ժողովրդի թեկնածուն ընտրվի վարչապետ, ինչպես նաև աջակցելու է, որ նոր կառավարության ծրագիրն ընդունվի առանց դժվարությունների: Նաև հետագա աշխատանքներում որպես կառուցողական ընդդիմություն՝ ՀՀԿ-ն աջակցում և աջակցելու է նոր կառավարությանը:

Այս օրերին մեր երկրում ընթանում է «Ընտրական օրենսգիրքը» փոփոխելու գործընթաց, և քաղաքական բոլոր ուժերը խորհրդարանում և դրանից դուրս, ինչպես նաև կառավարությունը աշխատում եմ  միասնական, կողմերի համար ընդունելի օրենսգրքի մշակման  ուղղությամբ: Կարծում եմ` խորհրդարանական արտահերթ ընտրությունները, որին սպասում  է հասարակությունը, չի կարող լինել  հապշտապ, քանի դեռ մեր երկրում  տեղի չի ունեցել կարևոր և պատասխանատու միջոցառումը՝ Ֆրանկոֆոնիայի միջազգային կազմակերպության 17-րդ վեհաժողովը, որից հետո Հայաստանը պիտի դառնա այս կառույցում նախագահող երկիր:

Կառավարության նոր ղեկավարը ևս ընտրվելուց հետո հայտարարեց, որ Հայաստանը հավատարիմ կմնա միջազգային իր բոլոր պարտավորություններին, չի շեղվի իր տնտեսական և անվտանգության պարտավորություններից և կասկածի տակ չի դնի ոչ Եվրասիական տնտեսական միությանը, ոչ ՀԱՊԿ-ին իր անդամակցությունը, ոչ էլ ԵՄ-ի հետ ընդլայնված և համապարփակ համաձայնագիրը:


    Լրահոս
    Օրացույց
    Ամենաընթերցված
    Եկեղեցական օրացույց
    /