• USD 480.3
  • GBP 626.02
  • EUR 558.49
  • RUB 7.62
  • GEL 195.84
Հուլիս 18, 2018
Անցյալի պատմությունը լուսատու լապտեր է

Անցյալի պատմությունը մի լուսատու լապտեր է, որ ամեն մի ժողովուրդ ձեռքին պետք է ունենա իր ճամփեն անմոլոր գնալու համար:

 

Հովհաննես Թումանյան

Աշխարհի ձայն, Լրահոս
09.07.2018 | 23:00

Սննդամթերքի որակի որոշման «պոլիէթիլենային» տարբերակ

Ինչպե՞ս որոշել մթերքի որակը՝ գույնո՞վ, հոտո՞վ, թե որևէ այլ մեթոդով: Իհարկե վնասակար մանրէների ազդեցության հետևանքներն ոչ միշտ են  տեսանելի անզեն աչքով: Մինչև հիմա մեզ հայտնի ամենահուսալի տարբերակը թերևս լաբորատոր հետազոտությունն է: Սակայն հիմա արդեն այդպիսի հատուկ հետազոտության կարիք չկա: աԱմեն ինչ ավելի պարզ է:

Կանադայի Մաքմաստերի համալսարանի գիտնականների խումբը մշակել է հատուկ թաղանթ, որն առաջին հայացքից չի տարբերվում սովորական սննդի փաթեթավորման թաղանթից, բայց հաշված վայրկյանների ընթացքում կարող է գնորդին տեղեկություններ հաղորդել սննդամթերքի որակի մասին: Ընդամենը պետք է սննդամթերքը թաղանթով փաթաթել և սպասել մի քանի վայրկյան:

Եթե թաղանթը փոխում է գույնը, ապա սննդամթերքը վտանգավոր է կամ գուցե նույնիսկ արդեն թունավոր: Գույնից կախված կարելի է որոշել՝  աղիքային ցուպի՞կ, թե որևէ այլ վնասակար մանրէներ է պարունակում սննդամթերքը: Առաջին հայացքից պարզ թվացող գիտնականների այս նոր հայտնագործության  մշակման համար շուրջ 15 տարի է պահանջվել:

Իսկ ինչպե՞ս «է աշխատում» թաղանթը:  «Արագացված» ախտորոշման համար գիտնականները օգտագործել են տարբեր ԴՆԹ-ներ և բիորեագենտներ. դրանց շատ բարակ շերտով պատվում է թաղանթը: Եվ երբ այդ շերտերը հպվում են սննդամթերքի,  մասնավորապես դրանում առկա  վտանգավոր մանրէների հետ, տեղի է ունենում քիմիական հակազդեցություն, ինչի հետևանքով թաղանթի մոլեկուլները փոխում են գույնը:


    Լրահոս
    Օրացույց
    Ամենաընթերցված
    Եկեղեցական օրացույց
    /