• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 19, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս, Հայաստան
12.07.2018 | 13:25

Երևանի քաղաքապետի արտահերթ ընտրությունը կլինի հուլիսի 16-ին

Ավագանու որոշմամբ Երևանի քաղաքապետի արտահերթ ընտրությունների օր է սահմանվել հուլիսի 16-ը:

 

Նման որոշում է կայացվել այսօր կայացած արտահերթ նիստի ընթացքում՝ ձայների 35 կողմ, 11 դեմ, 1 ձեռնպահ հարաբերակցությամբ:

 

  Օրենքի ուժով հրավիրված Երևանի ավագանու նիստում, որը վարել է Երևանի քաղաքապետի առաջին տեղակալ, քաղաքապետի պաշտոնակատար Կամո Արեյանը, Երևանի ավագանու քննարկմանն է ներկայացվել «Երևանի քաղաքապետի արտահերթ ընտրությունների օրը սահմանելու մասին» որոշման նախագիծը: Մինչ այդ Կամո Արեյանն ավագանու անդամներին տեղեկացրել է, որ «Երևան քաղաքում տեղական ինքնակառավարման մասին» օրենքի 45-րդ հոդվածի 2-րդ մասի 3-րդ կետին համապատասխան Երևանի քաղաքապետ Տարոն Մարգարյանի լիազորությունները վաղաժամկետ դադարել են նրա կողմից 2018 թվականի հուլիսի 9-ին ներկայացված հրաժարականի հիմքով:

 

 

 

Հիմք ընդունելով Երևանի քաղաքապետի հրաժարականը և ղեկավարվելով «Երևան քաղաքում տեղական ինքնակառավարման մասին» օրենքի 45-րդ հոդվածի 2-րդ մասի 3-րդ կետով և 46-րդ հոդվածի 1-ին մասով` Երևանի քաղաքապետի առաջին տեղակալ, քաղաքապետի պաշտոնակատար Կամո Արեյանը Երևան քաղաքի ավագանու քննարկմանն է ներկայացրել Երևանի քաղաքապետի արտահերթ ընտրությունների օրը 2018 թվականի հուլիսի 16-ին սահմանելու մասին որոշման նախագիծը:

 

   Առաջարկ է եղել նաև Երևանի քաղաքապետի արտահերթ ընտրությունների օրը սահմանել 2018 թվականի օգոստոսի 8-ը:

Երևանի ավագանին ձայների մեծամասնությամբ հավանություն է տվել Երևանի քաղաքապետի արտահերթ ընտրությունների օրը 2018 թվականի հուլիսի 16-ին՝ ժամը 11.00-ին սահմանելու մասին որոշման նախագծին:

 

Նշենք նաև, որ Երևանի ավագանու «Ելք» խմբակցությունը առաջարկում էր ընտրությունը կատարել օգոստոսի 8-ին, սակայն առաջարկը մերժվեց:

 

Հիշեցնենք. Երևանի քաղաքապետ Տարոն Մարգարյանը հրաժարական է տվել հուլիսի 9-ին։

 


    Լրահոս
    Օրացույց
    Ամենաընթերցված
    Եկեղեցական օրացույց
    /