• USD 480.8
  • GBP 637.73
  • EUR 562.73
  • RUB 7.73
  • GEL 196.06
Հուլիս 16, 2018
Կփրկվի նա, ով կհամբերի

 Եվ անօրինության շատանալուց շատերի սերը պիտի ցամաքի:

 Բայց ով մինչև վերջ համբերեց, նա պիտի փրկվի (Մատթ. 24)։

Հայաշխարհի ձայն, Լրահոս, Հայաստան
12.07.2018 | 12:55

Փաշինյանն Արցախյան խնդրի շուրջ այս պահին կտրուկ քայլեր չի անելու. քաղաքագետ

Հեղինակ՝ ԱԿԱԹԻ ՎԱՀԱՆՅԱՆ

Ինչպես արդեն տեղեկացրել ենք, Բրյուսելում տեղի է կայացել  Հայաստանի և Ադրբեջանի արտգործնախարարների հանդիպումը:  Սա երկու երկրների արտգործնախարարների առաջին հանդիպումն էր՝ Հայաստանում տեղի ունեցած հեղափոխությունից և նոր կառավարության ձևավորումից հետո:

Հանդիպման ժամանակ Հայաստանի արտգործնախարար Զոհրաբ Մնացականյանը մեկ անգամ ևս հաստատել էր Հայաստանի դիրքորոշումն Արցախյան հիմնախնդրի շուրջ՝ այն է՝ խնդրի խաղաղ և բանակցային կարգավորում:

Հանդիպման և դրան  ակնկալիքների վերաբերյալ ՀԱՅ ՁԱՅՆ-ը զրուցեց  քաղաքագետ Գագիկ Համբարյանի հետ:

Քաղաքագետի դիտարկմամբ՝ հանդիպումը նախևառաջ  ճանաչողական էր, այդ իսկ պատճառով դա չէր կարող  էական ազդեցություն ունենալ Արցախյան հիմնախնդրի լուծման ուղղությամբ:  

«Այս հանդիպումն անհրաժեշտ էր՝ որպես  ճանաչողական հանդիպում: Ավելին գնահատել չենք կարող:  Ինչ վերաբերում է ակնկալիքներին, ապա սպասելիքներ չկան, քանի որ Ադրբեջանը և Հայաստանը շատ լավ հասկանում են, որ  այս փուլում, երբ Հայաստանում քաղաքական ճգնաժամը դեռ շարունակվում է,  և երկիրը պատրաստվում է  արտահերթ խորհրդարանական  ընտրություններին, Նիկոլ Փաշինյանն Արցախյան հիմնախնդրի լուծման ուղղությամբ որևէ ակտիվ, կտրուկ  քայլ չի անելու: Դա հասկանում են նաև միջնորդ երկրները՝ Ռուսաստանը ԱՄՆ-ն և Ֆրանսիան, և նրանք չեն փորձի կողմերի՝ հատկապես Հայաստանի վրա ճնշումներ գործադրել, շատ լավ հասկանալով, որ դրա դեպքում կարող են ազդել այդ երկրի ներքաղաքական իրավիճակի վրա»,- ընդգծեց   Գագիկ Համբարյանը:

Քաղաքագետը դիտարկեց, որ ներկա փուլում Հայաստանի համար կարևոր է գործող ստատուս-քվոյի պահպանումը, որը, սակայն, Ադրբեջանի սրտով չէ:

«Կարևոր է նաև ներկա ստատուս-քվոյի պահպանումը, բայց, որքանով հասկանում ենք, Ադրբեջանը հակված չէ այդ ստատուս քվոյի պահպանմանը, և ոչ միայն  ագրեսիվ դիվանագիտական քայլերի է դիմում, այլ նաև առաջնագծում կենդանի ուժի և զինտեխնիկայի ակտիվ կուտակումներ է իրականացնում»:



    Լրահոս
    Օրացույց
    Ամենաընթերցված
    Եկեղեցական օրացույց
    /