• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Ամերիկա, Եվրոպա, Միջին Արևելք, Հայաստան, Արցախ
12.07.2018 | 16:46

Իրավապահ մարմիններն ավելի զգայուն պետք է լինեն Մայր Աթոռի նկատմամբ. Գևորգ եպիսկոպոս Սարոյան

Հեղինակ՝ Գոհար Ավետիսյան 

Մայր Աթոռի նկատմամբ իրավապահ մարմիններն այսուհետ պետք է ավելի զգայուն լինեն ու ավելի արագ արձագանքեն իրադարձություններին: Այս մասին լրագրողների հետ հանդիպմանը նշեց Գերաշնորհ Տ.Գևորգ եպիսկոպոս Սարոյանը՝ պատասխանելով ՀԱՅ ՁԱՅՆ-ի հարցին, թե ինչպե՞ս է գնահատում ոստիկանության գործելաոճը նախաձեռնության անդամների՝ Վեհարան ներխուժելու ժամանակ:

«Ոչ միայն մենք էինք շոկի մեջ, այլ նաև, կարծում եմ, ոստիկանությունը: Ուղղակի չգիտեին՝ ինչ անել, իսկ այդ մարդիկ անընդհատ հղում էին անում հեղափոխությանը, սահմանադրություն էին իրացնում: Մեզ համար էլ էր դա անհասկանալի: Կարծում եմ, մեր իրավապահ մարմիններն ավելի արագ պետք է կողմնորոշվեին, բայց ուրախ ենք, որ  կողմնորոշվեցին և նրանց դուրս բերեցին Վեհարանից:

Սակայն այսպիսի մի խնդիր էլ կա. իրավապահ մարմիններն ասում էին, որ Մայր Աթոռը հատուկ պահպանվող տարածքների ցանկում չի, և դա դժվարություն էր ստեղծում, իսկ ակցիայի մասնակիցներն էլ ասում էին, թե իրենց սահմանադրական իրավունքն են իրացնում: Բայց այստեղ հակասություն կա երկրի սահմանադրական իրավունքի և եկեղեցական սահմանադրական իրավունքի միջև, ու կարծում եմ, այս հակասությունները ևս մի քիչ ապակողմնորոշեցին իրավապահ մարմիններին»,- ասաց նա:

Գևորգ եպիսկոպոս Սարոյանը, սակայն, տարօրինակ համարեց ոստիկանության պասիվությունը ակցիայի մասնակիցների ագրեսիվ պահվածքը զսպելու գործում: «Ես լրատվամիջոցներից տեղեկացա, որ երբ Էլթոն Ջոնը եկել էր Հայաստան, մեկը ձու էր նետել նրա ուղղությամբ, և այդ մարդուն կանչեցին ոստիկանություն և բացատրական աշխատանքներ իրականացրին: Ես ուղղակի ուզում եմ հասկանալ, ո՞նց կարելի է հանդուրժել Ամենայն Հայոց կաթողիկոսին սատանա անվանողին ու հոգևորականությանը ամենավերջին բառերով վարկաբեկողներին: Նույն տրամաբանությամբ՝ ինչո՞ւ նրանք չեն հրավիրվում իրավապահ մարմինների կողմից և ինչո՞ւ նրանց հետ այդ բացատրական աշխատանքը չի տարվում»,- ասաց նա:



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /