• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Հայաստան
12.07.2018 | 18:15

ՆԱՏՕ-ի հայտարարության հասցեատերը Ռուսաստանն է, ոչ թե՝ Հայաստանը. Գագիկ Համբարյան

Հեղինակ՝ ԱԿԱԹԻ ՎԱՀԱՆՅԱՆ

Ինչպես տեղեկացրել ենք, ՆԱՏՕ-ի գագաթաժողովում ընդունված հռչակագրում Հայաստանին ևս անդրադարձ կա:
«Մենք շարունակում ենք աջակցել Հայաստանի, Ադրբեջանի, Վրաստանի և Մոլդովայի տարածքային ամբողջականությանը, անկախությանը և ինքնիշխանությանը»,- նշվում է  հռչակագրում:

ՀԱՅ ՁԱՅՆ-ն այս հայտարարության  վերաբերյալ զրուցեց քաղաքագետ  Գագիկ Համբարյանի հետ:
 
Քաղաքագետի դիտարկմամբ՝  հայտարարությունը, առաջին հերթին, ուղղված է Ռուսաստանին, և ոչ թե Հայաստանին:

«Այս հայտարարությանը պետք է նորմալ վերաբերվենք, քանի որ նրա բոլոր  գագաթաժողովներում միշտ էլ նմանատիպ հայտարարություններ ընդունվում են: Այստեղ տարօրինակն այն է, որ իրոք, Հայաստանը տարածքային ամբողջականության առումով  ոչ մի խնդիր չունի, որ կառույցն էլ  պաշտպանում է այն:
Ինչ վերաբերում է Ադրբեջանին, Մոլդովային և Վրաստանին, ապա այս երկրների վերաբերյալ ՆԱՏՕ-ն միշտ հայտարարություններին է անում տարածքային ամբողջականության վերաբերյալ: Հայտարարության վերաբերյալ մի բան պետք է հասկանալ, դրա հասցեատերը ոչ թե Հայաստանն է, այլ  Ռուսաստանը: Այստեղ ավելի շատ պետք է ընդգծել ՆԱՏՕ-ի և Ռուսաստանի հակասությունները: ՆԱՏՕ-ի համար այստեղ ամենակարևորն Ուկրաինան և Վրաստանն են: Կան նաև երկու երկրներ՝ Մոլդովան և Ադրբեջանը, որոնք պարբերաբար դժգոհություններ են հայտնում տարածքային ամբողջականության վերաբերյալ, և քանի որ ըստ այդ երկրների  պաշտոնական մեկնաբանությունների՝  դրանք հրահրվում են  Ռուսաստանի կողմից, ապա այդ երկրներն էլ մեխանիկորեն  կցվում են Ուկրաինային և Վրաստանին և առաջ է տարվում հետևյալ թեզը, որ ՆԱՏՕ-ն պաշտպանում է  այդ երկրների տարածքային ամբողջականությունը»,- ասաց Գագիկ Համբարյանը 

Համբարյանի դիտարկմամբ՝ Հայաստանը պետք է նոր թափով աշխատի իր արտաքին քաղաքականության ուղղությամբ, ինչպես նաև վերանայի կադրային քաղաքականությունը:

«Եկեք շատ մեծ կարևորություն չտանք այս հայտարարությանը, քանի որ նմանատիպ հայտարարությունները բազմաթիվ են, բայց միևնույն ժամանակ ես գտնում եմ, որ Հայաստանի նոր իշխանությունները պետք է ավելի շատ աշխատեն օտարերկյա մեր գործընկերների հետ և այս հարցում Հայաստանի տեսակետն ավելի հասանելի դարձնեն: Ցավոք սրտի, Սերժ Սարգսյանի կառավարման տարիներին մենք տեսանք, որ ԱԳՆ դարձել էր  ծանոթ-մտերիմ-բարեկամների «աքսորավայր», ում աշխատանքից ազատում էին և  չէին ցանկանում վիրավորել, ուղարկում էին ԱԳՆ, ապա՝  դեսպաններ տարբեր երկրներում:

 Արդյունքում, տարբեր կազմակերպությունների կողմից շատ դեպքերում մենք ունենք թեկուզ ոչ հակահայ, ամեն դեպքում  ոչ հայամետ դիրքորոշումներով հայտարարություններ:  Այս հարցը պետք է շատ արագ կարգավորել՝ ի նպաստ մեր երկրի»,- եզրափակեց քաղաքագետը:



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /