• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Աշխարհի ձայն, Լրահոս
12.07.2018 | 22:40

ԱՄՆ-ը կարող է դուրս գալ ՆԱՏՕ-ի կազմից. The Globe and Mail

Այն ժամանակ, երբ ԱՄՆ նախագահի վարչակազմը հրաժարվում է մասնակցել միջազգային գործարքներին կամ սպառնում է դրանով, ՆԱՏՕ-ից ԱՄՆ-ի դուրս գալն այլևս ֆանտաստիկ չի թվում:

Այնուամենայնիվ, Հյուսիսատլանտյան դաշինքից դուրս գալն ԱՄՆ-ի համար դժվար իրագործելի  կլինի, օրինակ՝ կանոնների համաձայն, ՆԱՏՕ-ից դուրս գալ ցանկացող ցանկացած երկիր պետք է տեղեկացնի Միացյալ Նահանգներին, իսկ Վաշինգտոնը պետք է այն փոխանցի դաշինքի մյուս երկրներին: Մինչ դաշինքի կազմից դուրս գալը պետք է անցնի մեկ տարի:

Պարզ չէ, թե ինչպես է ԱՄՆ-ը ՆԱՏՕ-ից դուրս գալու ցանկության դեպքում իրեն տեղյակ պահելու: Ամերիկյան օրենսդրության համաձայն` նախագահը պետք է ստանա Սենատի մեծամասնության հավանությունը նոր պայմանագիր կնքելու համար, բայց դա դեռևս դուրս գալու հնարավորություն չի նշանակում:

Նշվում է, որ վերջին տասնամյակում ԱՄՆ երկու նախագահներ կարողացել են դուրս գալ պայմանագրերից առանց Սենատի աջակցության: 1979 թվականին Ջիմի Քարտերը խզել էր Թայվանի հետ Միացյալ Նահանգների փոխադարձ պաշտպանության մասին պակտը Պեկինի հետ դիվանագիտական ​​հարաբերություններ հաստատելու շրջանակում: 2002 թվականին Ջորջ Բուշը միակողմանիորեն դուրս էր եկել Ռուսաստանի և նախկին խորհրդային այլ հանրապետությունների հետ ՄԱԿ-ի պայմանագրից:

Բայց նույնիսկ, եթե Դոնալդ Թրամփը որոշի դուրս գալ ՆԱՏՕ-ից, ապա երկրում «քաղաքական փոթորիկ» կսկսվի, քանի որ ՆԱՏՕ-ն  ԱՄՆ-ի երկու կուսակցությունների կողմից մեծ աջակցություն է վայելում Միացյալ Նահանգներում:

 


    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /