• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 18, 2018
Հայությանը միավորողը ազգային սերն է

Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ

Րաֆֆի

Հայաշխարհի ձայն, Լրահոս, Հայաստան
16.07.2018 | 18:04

Համաներում հայտարարելը կախված է իշխանության եւ հասարակության կամքից. Նախարար

Համաներումն իրավունք չէ, այլ տրամադրվելիք արտոնություն: Դա պահանջի ձեւով ներկայացնելը չի բխում դրա էությունից: Այս մասին այսօր լրագրողների հետ զրույցում ասել է ՀՀ արդարադատության նախարար Արտակ Զեյնալյանը՝ խոսելով «Արմավիր» քրեակատարողական հիմնարկի մի շարք կալանավորների՝ համաներման պահանջով իրականացվող հացադուլի մասին:

Նախարարը նշել է. « Համաներում կլինի, թե ոչ կախված է իշխանության եւ հասարակության կամքից: Արդյո՞ք իրավունքի խախտման՝ հանցագործության զոհերը կամ նրանց հարազատները պատրաստ են ներել իրենց իրավունքները խախտած անձանց: Համաներումը հիմնահարց է, որը հացադուլով չպետք է լուծվի: Եթե դրա ժամանակը գա եւ հասարակությունն ու իշխանությունը նման կամք դրսեւորեն, հարցը կքննարկվի»:

 

Նախարարն ընդունում է, որ Հայաստանի քրեակատարողական հիմնարկներում կան խնդիրներ, որոնց վերաբերյալ բազմաթիվ գանգատներ են ներկայացվել տարբեր կառույցների, այդ թվում՝ Մարդու իրավունքների եվրոպական դատարանին:

 

Արտակ Զեյնալյանը խոստանում է այդ խնդիրներն աստիճանաբար լուծել: Բայց նկատում է, որ խնդիրները տասնամյակների պատմություն ունեն եւ կարճ ժամանակում լուծում գտնելը նոր խնդիրներ կծնի: Օրինակ, քրեակատարողական հիմնարկ ունենք, որ ցարական Ռուսաստանի ժամանակ է կառուցվել ոչ որպես ՔԿՀ ու հիմա հարմարեցվել է որպես ՔԿՀ: Ի հավելումն. «Քրեակատարողական ծառայողների աշխատավարձը չափազանց ցածր է, ինչն ինքնին կոռուպցիոն ռիսկ է: Մտածում ենք այդ ուղղությամբ: Առհասարակ, երկրում խնդիրները շատ են, եւ մենք պետք է աստիճանաբար հավասարակշռված լուծումներ տանք: Կփորձենք որոշակի ներքին-արտաքին միջոցներ ներգրավել՝ ՔԿՀ-ներում պայմանների բարելավման ուղղությամբ»:

 

Խնդիրները լուծելու համար կառավարությունը ռազմավարություն է մշակում:


    Լրահոս
    Հայ եկեղեցի
    Խմբի գործողություններն ուղղված են ոչ միայն Հայոց Կաթողիկոսի դեմ, այլև ընդհանրապես՝ Եկեղեցու դեմ
    Օրացույց
    Ամենաընթերցված
    Եկեղեցական օրացույց
    /