• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Մեր ձայնը, Խմբագրական, Հայաստան
17.07.2018 | 22:31

Հետաքրքրասերի ակումբ՝ զարմանահրաշ մետաղադրամներ

Օրեր առաջ, հուլիսի 13-ին ՌԱԿ Շիրակի մարզային գրասենյակի սեղանները պատված էին հայկական և աշխարհի բազմաթիվ պետությունների մետաղադրամներով և թղթադրամներով: «Խորանարդ» ինտելեկտուալ ակումբի  գործադիր  տնօրեն  Արմեն Պետրոսյանն իր հավաքածուն ցուցադրության էր ներկայացնում «Փանոս Թերլեմեզյան» երիտասարդական ակումբի անդամներին:

Ի դեպ, Արմեն Պետրոսյանը շուրջ 30 տարի ուսումնասիրում է մետաղադրամների «կենսագրությունը»: Երիտասարդները ուշի-ուշով դիտում էին հավաքածուն, բազմաթիվ հարցեր տալիս, տեղեկանում մետաղադրամների ստեղծման զարմանահրաշ պատմությանը:

 

Միջոցառման վարողը տեսածրիչով ցուցադրեց հին և ժամանակակից հայկական  մետաղադրամների անսպառ տեսականին՝ սկսած Տիգրան Մեծից մինչև մեր օրերը, որոնց մեջ մտնում են ինչպես գործածվող, այնպես էլ չգործածվողները: Հետաքրքիր էին տարբեր հոբելյանների առթիվով ստեղծվածները, դրանց վերաբերյալ տեղեկատվությունը, նույնիսկ կեղծվածները, նաև պաշտպանիչ շերտերի բացատրությունը:

 

 

Տարբեր պետությունների մետաղադրամները մեկ տեղում են՝ էկրանի վրա. համեմատվում էին աշխարհի ամենամեծ և ամենափոքր դրամները, ամենահինն ու ամենանորը, տարբեր ձևերի և չափերի, անվանական արժեքների, մետաղների տեսակները:

 

 

Բացի նոր գիտելիքի ձեռքբերումից, երիտասարդները մասնակցեցին «Այդ զարմանահրաշ մետաղադրամները» թեմայով «Իմաստության բանալի» ինտելեկտուալ խաղին:

Խաղը թեժ էր. ութ հարցից բաղկացած հարցաթերթերի ճիշտ պատասխանը լրացնող՝ 6 միավոր վաստակած 3 մասնակիցներին տրվեց լրացուցիչ 4 հարց, և վերջապես որոշվեցին խաղի մրցանակակիրները:

Ակումբի սահմանած գիրք-մրցանակները ստացան ակումբի անդամներ՝ 3-րդ հորիզոնականը զբաղեցրած «Փանոս Թերլեմեզյան» երիտասարդական ակումբի անդամ Շուշանիկ Զառաֆյանը, որը ձեռքբերեց  «Տարբեր դարերի և ժողովուրդների հեքիաթներ, առասպելներ, անեկդոտներ» գիրքը:

 

 

2-րդ հորիզոնականը զբաղեցրած Վեներա Պապոյանը ձեռքբերեց «Գիտելիքների խայտաբղետ աշխարհում»  գիրքը, 1-ին  պատվավոր հորիզոնականն զբաղեցրած Անահիտ Մխիթարյանը՝ «Գրական Գյումրի-2015» գիրքը:

ՌԱԿ Շիրակի մարզային կառույցի համակարգող Հ.Կարապետյանը, ակումբի անդամները ջերմորեն շնորհակալություն հայտնեցին Արմեն Պետրոսյանին հետաքրքիր և հիշարժան միջոցառման և տպավորիչ խաղի համար:

 

 

 

Լուսինե Մարտիրոսյան

ՌԱԿ Շիրակի «Փանոս Թերլեմեզյան»

երիտասարդական ակումբի անդամ

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /