• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Գլխավոր լուր, Հոդվածներ, Լրահոս, Մեր ձայնը, Խմբագրական
18.07.2018 | 19:24

Ո՞րն է մեր այսօրուան մարտահրաւէրը

Թաւշեայ յեղափոխութիւնը իւրովսանն ողջունուեցաւ հայրենիքի եւ սփիւռքի զանգուածներուն մեծամասնութեան կողմէ: Ողջունուեցաւ` որովհետեւ հեռանկարային խոստումով մը ընծայուեցաւ ան հայութեան: Թաւըշեայ յեղափոխութեան ամրապնդումով եւ դրական ծրագիրներու իրագործումով պիտի արդարանայ այդ յեղափոխութիւնը: Ոեւէ ուշացում կամ զառածում կրնայ հեռացնել կամ կորուստի մատնել յառաջացած յուսալի յեղափոխութեան նպատակները: Հետեւաբար ՙՆոր Հայաստան, նոր հայրապետ՚ կարգախօսով շարունակուող ցոյցերը բնոյթն ունին ժողովուրդը նոյն տրամադրութեան մէջ պահելու երբ Ատրպէյճան ատամները կը սրէ նոր Ապրիլով մը հարուածելու Հայաստանը:

Վարչապետ Նիկոլ Փաշինեան յայտարարած է որ նոր Հայաստանի մէջ պետութիւնն ու եկեղեցին անջատ են: Ողջունելի որոշում մը կրնար նկատուիլ այդ` եթէ անտեսուէր Հայաստանեայց Եկեղեցւոյ պատմական դերը, որ յաճախ փոխարինած է պետութեան ընծայելիք իշխանութիւնը:

Նոյնիսկ եթէ ընդունուի որոշումը եկեղեցին եւ պետութիւնը անջատ կառոյցներ նկատելու, տակաւին պետութեան իրաւասութեան սահմանին մէջ կը մնայ պաշտպանել եկեղեցին եւ չարտօնել որ խափանուի անոր գործունէութեան ընթացքը վանական սահմաններէն ներս անընդունելի արարքներ սարքելով:

Ամենայն Հայոց Հայրապետին դէմ յօրինուած հեքեաթներուն բացարձակ մեծամասնութիւնը հիմնուած է սուտի եւ կեղծիքի վրայ: Եւ անոնց անհակակշիռ հրապարակումը բարենիշ մը չէ հայաստանեան մամուլին եւ ընկերային ցանցերուն, որոնք Արշակաւանի վերածած են լրատուութեան ասպարէզը:

Հասկնալի է որ կարգ մը եկեղեցական եւ աշխարհական տարրեր դժգոհութիւններ ունեցած ըլլան: Այդքանը պատճառ չէ Վեհափառ փոխելու:

Որո՞նք կրնան շահեր ունենալ Մայր Աթոռի տկարացումով: Փոքր չէ անոնց թիւը. սկսելով աղանդներէն հասնելու համար Հայաստանի հասարակութեան բարոյական կառոյցը խաթարել ցանկացող հեռաւոր պետութիւններու` որոնք Արեւմուտքի բարոյականութեան ախտաւոր հոսանքները օրինականացնել կը փորձեն մեր հայրենիքին մէջ:

Ս. Էջմիածնի շուրջ պոռացող ցուցարարները արդէն բաւական չափով դրսեւորած են իրենց անգիտութիւնը եկեղեցւոյ հարցերուն եւ պատմութեան մասին: Այնպէս կը թուի թէ իրենց չիմացած հարցերէն մէկն ալ այն է թէ կաթողիկոս մը կամ պատրիարք մը կ'ընտրուի ցկեանս պաշտօնավարութեան համար: Ամենայն Հայոց հայրապետի պարագային` ընտրութիւնը կը կատարէ Ազգային Եկեղեցական Ժողովը, որուն մասնակիցները կը ներկայացնեն համայն աշխարհի հայութիւնը:

Հետեւաբար, Երեւանի Ս. Աննա եկեղեցւոյ շուրջ կամ Էջմիածնի վանական շրջանակէն ներս աղմկողները – նոյնիսկ իրաւունք ունենալու պարագային – չեն կրնար խօսիլ համայն հայութեան անունով: Պետութեան պահած լռութիւնը բաւական խօսուն կը թուի ըլլալ. Նիկոլ Փաշինեանի խօսքը տակաւին կախարդական ազդեցութիւն ունի հասարակութեան վրայ. ո՞ր օրուան կը պահէ ան այդ խօսքը արտասանելու£

Անոնց աղմկարարութիւնը եւ այդ աղմկարարութեան թոյլտուութիւնը, այս պարագային, սփիւռքը անտեսելու բնոյթին կը հաւասարին: Հետեւաբար, զարմանալի չէ որ բազմաթիւ երկիրներու թեմակալ առաջնորդները իրենց զօրակցութիւնը յայտնած են Ամենայն Հայոց Հայրապետին:

Պատմական աղբիւրներէ քաղուած տուեալները հաղորդուեցան արդէն թէ Հայաստանեայց Եկեղեցւոյ տարեգրութեանց մէջ 15 նախընթաց դէպքեր յայտնուած են կաթողիկոս մը գահընկէց ընելու. անոնցմէ 14ի պարագային հայրապետի պաշտօնազրկութիւնը կատարուած է օտար իշխանութեանց պարտադրանքով: Ուրեմն, այսօր ալ հարց է թէ հայր Կորիւններ եւ աղուէսներ եկած են օտար իշխանութեանց կա՞մքը գործադրելու:

Հայաստան այսօր ներքին համերաշխութեան կարիքը ունի. անհրաժեշտութիւնն ունի տնտեսութիւնը վերականգնելու որ վերջ տրուի աղքատութեան եւ հայաթափութեան:

Եւ առկայ վտանգներու դիմաց հայրենիքը պէտք ունի զինուելու, որպէսզի Թաւշեայ յեղափոխութիւնը վերածուի պողպատեայ յեղափոխութեան:

 

 

 

Խմբագրական Պայքար շաբաթաթերթի, դրոշակակիր պաշտոնաթերթ Ռամկավար Ազատական կուսակցության

 



 



    Լրահոս
    Օրացույց
    Ամենաընթերցված
    Եկեղեցական օրացույց
    /