• USD 482.76
  • GBP 618.95
  • EUR 556.14
  • RUB 7.17
  • GEL 187.84
Օգոստոս 21, 2018
Հայրենասիրությունը բանաձևելու կարիք չունի

Հայրենասիրությունը բանաձևելու կարիք չունի. նրանով պիտի ապրես, գործես, արարես:

Գարեգին Բ Ամենայն Հայոց Կաթողիկոս

Հայաշխարհի ձայն, Լրահոս, Հայաստան
19.07.2018 | 21:00

Բյուջեն այնպիսի բան չէ, որ դուռը բացենք, վրայից բան վերցնենք, հետո ասեն՝ տարեք վերականգնեք. Մեծամորի քաղաքապետ

  Մամուլում տարածված լուրերի համաձայն Մեծամորի քաղաքապետ Ռոբերտ Գրիգորյանը բիզնեսմեն է, որը՝ օգտագործելով իր պաշտոնական դիրքը, խուսափել է հարկային պարտավորություններից:

«Ես հյութերի արտադրամաս չունեմ, սեփական բիզնեսներ չունեմ»,- ՀԱՅ ՁԱՅՆ լրատվականի հետ զրույցում ասաց Մեծամորի քաղաքապետ Ռոբերտ Գրիգորյանը:

Անդրադառնալով դիտարկմանը, թե Արմավիրի մարզ­պետ Գագիկ Միրիջանյանը խստորեն հրահանգել է իրեն վերականգնել համայնքի բյուջեն, Ռոբերտ Գրիգորյանն ասաց, որ քաղաքապետարանի սեփական եկամուտների հավաքագրումը 106 % է իրականացվել, եւ իրենք երբեք չեն թերացել այդ հարցում.

  «Մարզպետի հետ ունենք նորմալ, աշխատանքային հարաբերություններ: Ես ունեմ շատ հանձնարարություններ պարոն մարզպետից, բայց ոչ այդ կարգի  հանձնարարություն՝ վերականգնում կամ նման ինչ-որ բան: Բյուջեն այնպիսի բան չէ, որ դուռը բացենք, վրայից բան վերցնենք, հետո մեզ  ասեն՝ տարեք վերականգնեք»:

ՀԱՅ ՁԱՅՆ-ը զրուցեց նաև Մեծամորի բնակիչներից մի քանիսի հետ, որոնք նշեցին, թե քաղաքապետը վերջին շրջանում է միայն սկսել հետաքրքրվել քաղաքի խնդիրներով, թավշյա հեղափոխությունից հետո է սկսել նկատել, որ քաղաքում կան քանդված փողոցներ, իսկ մինչ այդ  քաղաքապետի պաշտոնը նա ծառայեցրել է զուտ անձնական շահերին:

Քաղաքապետ Ռոբերտ Գրիգորյանը չհամաձայնեց այս կարծիքի հետ՝ նշելով, որ չի հասկանում, թե ինչո՞ւ են իր քաղաքի բնակիչները նման բողոք ներկայացրել:

«Չգիտեմ, իմ բնակիչներին ես շատ հարգում եմ, եւ այդ հարգանքը փոխադարձ է: Ես հիմա չգիտեմ, թե ի՞նչ եք ասում»,- եզրափակեց ՀԱՅ ՁԱՅՆ-ի հետ զրույցը Մեծամորի քաղաքապետ Ռոբերտ Գրիգորյանը:


    Լրահոս
    Օրացույց
    Ամենաընթերցված
    Եկեղեցական օրացույց
    /