• USD 483.14
  • GBP 613.64
  • EUR 549.38
  • RUB 7.23
  • GEL 187.41
Օգոստոս 16, 2018
Զա՛րկ, Արցախ

 Ուրեմն, զա՛րկ, Արցախ,
Զա՛րկ, իմ զարմանալիդ...
Չկա ուրիշ հնար և ուրիշ ելք չկա,
Քանզի ոսոխը քո՝ այդ քոչվորը վայրի
Այդ լեզուն է միայն, որ հասկանում ճշտիվ
Եվ այդ լեզվից է լոկ, որ փոխվում է կրկին
Խուճապահար հոտի...

 ՎԱՀԱԳՆ ԴԱՎԹՅԱՆ

Աշխարհի ձայն, Լրահոս
21.07.2018 | 13:32

Թրամփը ԶԼՄ-ներին «կեղծավոր» է անվանել՝ իրեն քննադատելու համար

Միացյալ Նահանգների նախագահ Դոնալդ Թրամփն ամերիկյան լրատվամիջոցներին մեղադրել է իր հանդեպ կողմնակալ վերաբերմունքի համար՝ ՌԴ նախագահ Վլադիմիր Պուտինի հետ «չափազանց մեղմ» լինելու համար լրատվամիջոցների հնչեցրած քննադատությանն ի պատասխան։ Նա այդ մասին գրառում է արել Twitter-ում.
«Ես արժանացա խիստ քննադատության կեղծ լրատվամիջոցների կողմից այն բանի համար, որ նախագահ Պուտինի հետ չափազանց բարեհամբույր եմ եղել։ Նախկինում նրանք դա կանվանեին դիվանագիտություն։ Եթե ես բղավեի կամ վախեցնեի՝ կլինեի չափազանց դաժան։ Հիշեք, ինչպես էին նրանք ասում, որ ես դաժան եմ եղել Հյուսիսային Կորեայի ղեկավար Կիմ Չեն Ընի հետ։ Կեղծավորնե՛ր»,- գրել է  նա։
Հիշեցնենք, որ հուլիսի 16-ին Ֆինլանդիայի մայրաքաղաք Հելսինկիում դեմառդեմ հանդիպում է կայացել Թրամփի ու Պուտինի միջև: Դեմոկրատ կոնգրեսականները, ինչպես նաև ԱՄՆ ղեկավարի կուսակից հանրապետականների մի մասը, ամերիկյան լրատվամիջոցները դժգոհ են մնացել հանդիպման ժամանակ Թրամփի դիրքից՝ նրան մեղադրելով Պուտինին զիջելու ու նրա հետ չափազանց մեղմ լինելու համար:


    Լրահոս
    Օրացույց
    Ամենաընթերցված
    Եկեղեցական օրացույց
    /