• USD 483.1
  • GBP 615.42
  • EUR 551.12
  • RUB 7.2
  • GEL 189.17
Օգոստոս 21, 2018
Ամենամեծը ժողովուրդն է

Մարդիկ մեծանում են մեծերի հետ գործ ունենալով,իսկ ամենամեծը ժողովուրդն է, բոլոր մեծ ստեղծագործողները աշակերտներ են անմահ մեծ ժողովրդի:  

                                                                                           ՀՈՎՀԱՆՆԵՍ ՇԻՐԱԶ

Հայաշխարհի ձայն, Լրահոս, Հայաստան
21.07.2018 | 19:30

Ծիծաղս գալիս է, երբ ասում են՝ Լիդիանը միջազգային խոշոր կազմակերպություն է. Լևոն Գալստյան

 Ամեն անգամ ծիծաղս գալիս է, երբ հանդիպում եմ՝ «Լիդիանը միջազգային խոշոր կազմակերպություն է» արտահայտությանը. ասում է Համահայկական բնապահպանական ճակատի անդամ Լևոն Գալստյանը:

    Վերջինս նաև մանրամասնում է. « «Lydian International»-ը ընդամենը մի փոքրիկ, շարքային օֆշորային ընկերություն է, որի նմանները հազարներով բուսնում են երկրագնդի տարբեր անկյուններում։ Այն հանդիսանում է «Լիդիան Արմենիա» ՓԲ ընկերության 100% բաժնեմասի սեփականատերը և ստեղծվել է 2005թ.-ին Մեծ Բրիտանիայի օֆշորային գոտիներից մեկում` Ջերսի կղզում: Հանքարդյունահանման ոլորտում ընդհանրապես ոչ մի փորձ չունեցող այս ընկերությունը փորձ է կատարել շահագործել ևս երկու հանքավայր Կոսովոյում և Վրաստանում, ինչը տարբեր պատճառներով «բարեհաջող» ձախողել է:

  Ուղղակի Ամուլսարի դեպքում սրանց հաջողվել է տարբեր մանիպուլյացիաների միջոցով ներգրավել միջազգային ներդրողների իրենց վտանգավոր ծրագրում»։

   Թերևս հենց «Լիդիան Արմենիա»-ն միջազգային խոշոր կազմակերպություն  համարվելու հանգամանքն է կաշկանդում  Հայաստանի Հանրապետության կառավարությանը, որը չի կարողանում որոշում կայացնել ու հանգիստ կասեցնել ընկերության գործունեությունը Հայաստանում:

  Շրջանառվում է այն մտավախությունը, թե ընկերության գործունեության հարկադրաբար դադարեցման դեպքում որևէ խոշոր միջազգային ներդրող Հայաստան չի գա:  

  Հիշեցնենք, որ Ամուլսարի հանքի շահագործման թեմային էր անդրադարձել նաև, Հայաստանում ԱՄՆ դեսպան Ռիչարդ Միլսը, որը նկատելիորեն շահարգրգիռ է հանքի շապխագործմամբ, որ շեշտել, թե ներդրողները հետեւում են «Լիդիան Արմենիայի» շուրջ տեղի ունեցող գործընթացների ընթացքին: «Կառավարության հանձնառությունները, գործողությունները ինձ վստահություն են ներշնչում, եւ ես ապագա ամերիկյան ներդրումների մասով վստահ եմ»,- ասված էր Ռիչարդ Միլսի հայտարարության մեջ:

  Փաստորեն, այս կերպ ԱՄՆ դեսպանն անուղղակիորեն վերջնագիր է ներկայացնում ՀՀ կառավարությանը:

Անժելա Հարությունյան


    Լրահոս
    Օրացույց
    Ամենաընթերցված
    Եկեղեցական օրացույց
    /