• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Գլխավոր լուր, Հոդվածներ, Լրահոս, Մեր ձայնը, Խմբագրական
23.07.2018 | 12:23

Սորոսի նպաստընկալ Կարէն Պետրոսեանը Հայրապետին թշնամի

Հայաստանի հասարակութեան համար որոշ ժամանակ պիտի առնէ եկեղեցւոյ հարցերուն թափանցելը:  Հայ ժողովուրդը 1700 տարի ապրած է իր եկեղեցիով:  Միայն սովետի շրջանին կոմունիստները ջանացած են ջնջել հոգեւոր կեանքի եւ յատկապէս Հայաստանեայց Եկեղեցւոյ դերակատարութիւնը մեր պատմութեան մէջ:  Ճիշդ է թէ մեր ժողովուրդը պահած է իր հաւատքը հոգեւոր կեանքի նկատմամբ, սակայն ինչ որ ջնջուած է անոր գիտակցութենէն եկեղեցական կարգ կանոնի, աւանդութեան եւ նուիրապետական կարգի մասին ծանօթութեիւնն է:

            Ահա այդ անգիտութեան ապաւինելով կարգ մը մարդիկ հրապարակ իջած են «նոր Հայաստան, նոր հայրապետ» կարգախօսով. մինչ Ամենայն Հայոց հայրապետը նոր Հայաստանի հետ կաթողիկոսն է նաեւ հին Հայաստանին՝ այսինքն սփիւռքի ուր հայութեան մեծամասնութիւնը կը բնակի:  Հետեւաբար ոչ ոք իրաւունք ունի հայութեան այդ մեծամասնութեան անունով պահանջներ ներկայացնելու, առաւել նաեւ կաթողիկոսի պաշտօնավարութիւնը սահմանելու, քանի ըստ կանոնի եւ աւանդութեան՝ ատիկա ցմահ պաշտօն մըն է:

            Այս շարժումին պարագլուխները եւ մասնակիցները աւելի գիտակ չեն եկեղեցական հարցերու.  աւելին՝ տգէտ են, ներառեալ հատուկենտ մոլորեալները որոնք թիւրիմացաբար վեղար կը կրեն:

            Այս շինծու շարժումը տեղ ու հիմք չունի սփիւռքի մէջ.  տեղ չունի նաեւ Հայաստանի մէջ, որովհետեւ օտար շրջանակներու կողմէ սարքուած դաւադրութիւն մըն է մեր Մայր Եկեղեցիին, մեր դարաւոր արժէքներուն եւ աւանդութեանցդէմը:

Շարժումի մասնակիցներէն ոմանք ճշակոտոր կ'ըլլան ապացուցանելու համար թէ այս շարժումը իր ներշնչումն եւ ֆինանսաւորումը չի ստանար օտար շրջանակներէ.  իսկ ուրիշներ ակամայ կը մատնեն արտաքին ազդակներու տեղն ու դերը:  Ահա թէ ինչպէս.

 

«ԿՈՄՊԱՍ»Ը ԲԱՑ ՀԱՍԱՐԱԿՈՒԹԵԱՆ ԴՐԱԾՈՆ

 

            Ի՞նչ է «Բաց հասարակութիւն» կոչուած կազմակերպութիւնը.  ատիկա հունգարացի ծագումով ամերիկացի միլիարտատէր Ճորճ Սորոսի կողմէ կեանքի կոչուած ցանց մըն է որուն գործակալները կը ղրկուին տարբեր երկիրներ իբրեւ թէ ժողովրդավարութիւն (դեմոկրասի) տարածելու, սակայն խորքին մէջ անոնց առաքելութիւնն է թիրախաւորուած երկիրներու ժողովուրդներուն ազգային արժէքները խաթարել, դարաւոր հաստատութիւնները ականահարել եւ այդ երկիրներէն ներս տարածել Արեւմուտքի յոռեգոյն բարքերը եւ յաճախ գետին պատրաստել պետական յեղաշրջումներու, ինչպէս պատահեցաւ Վրաստանի մէջ ու նաեւ՝ Ուքրանիոյ, ուր կը շարունակուի արիւնահեղութիւնը:

            Ճորճ Սորոս եւ իր գործակիցները այնքան խորամանկ կերպով կը գործեն, որ առ երեւոյթ երբեմն կը հակադրուին Ամերիկայի օրուան իշխանութեանց քաղաքականութեան:

            Այսպէս, Կարէն Պետրոսեան, որ մեր եկեղեցւոյ դէմ սկսուած շարժումին համակարգողն է «Հայկական Ժամանակ» (Յունիս 7, 2018) թերթին տուած իր հարցազրոյցին մէջ կը յայտարարէ - «Կոմպաս» հետազօտական կազմակերպութիւնը «բաց հասարակութիւն» (այսինքն՝ Սորոսի հիմնադրամ) ինստիտուտի միջոցներով գումարներ է ստացել»:  Պետրոսեան միեւնոյն հաստատումը կատարած է իր ցրուած տեսաերիզով:

            Իսկ ի՞նչ նպատակի համար ստացած է այդ գումարները, Պր. Պետրոսեան կը պատասխանէ  «մենք երեք ուղղութիւն ունենք եւ մեր բոլոր հետազօտութիւնները եւ գործունէութիւնը 3 ուղղութեան մէջ է, դա համայնքային զարգացումն է, գործարարութեան զարգացումն է եւ սոցիալ տնտեսական խնդիրներն են»:

            Հարց է թէ որո՞նք են «համայնքային զարգացման տուեալները.  ըստ Սորոսի պատուէրին՝ ի՞նչ միջոցներով պէտք է զարգանայ Հայաստանի համայնքը:  Արդեօք արեւմտեան յոռի բարքերո՞վ»:

            Պետրոսեան կ'աւելցնէ - «Աւելին ասեմ.  «Կոմպոս» գիտահետազօտական կազմակերպութիւնը  Հայաստանում գործող միակ հասարակական կազմակերպութիւններից է, որը հրապարակային յայտարարել է, որ իր արժեհամակարգը  քրիստնէական է»:  Քրիստնէութեան ո՞ր մէկ դաւանանքը:

            Հետաքրքրական է որ այսքա՜ն ծանր հետազօտութիւններով զբաղած մարդը վերջերս նշանակուեր է ԵՊՏՀի (կ'ենթադրենք Երեւանի Պետական Համալսարանի) Կիւմրիի մասնաճիւղի տնօրէնը:

            Այս նշանակումն ալ վերջերս մամուլի հարց դարձած է, եւ լրագրողներ հարց տուած են Պր. Պետրոսեանին որ այդ նոր պաշտօնը իրեն տրուած է իբրեւ վարձատրութի՞ւն կաթողիկոսին դէմ իր ձեռնարկած արշաւին ...:

            Հիմա աննախապաշար ընթերցողը կրնայ պարզապէս հարց տալ թէ այս մարդը ե՞րբ կը կատարէ իր հետազօտութիւնները (այն ալ՝ երեք ուղղութիւններով) ե՞րբ կը ղեկավարէ Կիւմրիի կրթական հիմնարկը երբ ամբողջ ժամանակը փողոցին մէջ կաթողիկոսին ու եկեղեցւոյ դէմ լուտանքներ արձակելով զբաղած է: Պարզ չէ՞, ուրեմն- որ Պր. Սորոս այդ դրամաշնորները կը ղրկէ Պր. Պետրոսեանին, ճիշդ այն լուտանքներուն համար:  Ինչո՞ւ Սորոս այդքան հետաքրքրոգած է հայկական եկեղեցիով երբ ինքը դաւանանքով հրեայ է:

 

ՄԻՋԱԶԳԱՅԻՆ ԴԱՒԸ ԿԸ ԲԱՐԴԱՆԱՅ

 

            Փոլ Կոպըլի յայտնութիւնը կը պարզէ թէ դաւադրութիւնը շատ հեռուները հասնող միջազգային արմատներ ունի:

            Ո՞վ է Փոլ Կոպըլ. ամէն անգամ որ Հայաստանի դէմ դաւադրութեան մը կծիկը կը սկսի քակուիլ՝ երեւան կ'ելլէ Փոլ Կոպըլի անունը:

            Վստահաբար շատեր կը յիշեն թէ ատենին ղարաբաղեան հարցը լուծելու համար տեսութիւն մը հրապարակեց – Մեղրիի ծրագիրը.  այսինքն Մեղրին Ատրպէյճանին զիջելով լուծել Ղարաբաղի հարցը:

            Շատեր յայտնեցին թէ Ամերիկայի Պետական քարտուղարութեան նախկին պաշտօնեայի մը խելապատիկէն ծագած ցնորամտութիւն մըն է այդ ծրագիրը:  Պր. Կոպըլ իր հերթին երդում պատառ եղաւ որ ինք թոշակի անցած պաշտօնատար մըն է եւ ոչ մէկ կենդանի կապ ունի պետական շրջանակներու հետ:

            Սակայն, երբ Ռոպէր Քոչարեան եւ Հայտար Ալիեւ հանդիպեցան Քի Ուեսթի (Ամերիկա) մէջ բանակցութեան գլխաւոր նիւթը դարձաւ Մեղրիի փոխանակման ծրագիրը:

Այսօր, հին ու փոշոտ պահարաններէն դարձեալ դուրս ելած է Փոլ Կոպըլ  յօդուած մը հրատարակելու Euroasia Reviewի մէջ Հայաստանի այս եկեղեցական հարցին մասին:  Յօդուածին վերնագիրը՝ «Հայաստանի ընդդիմութիւնը կը նպատակադրէ պաշտօնանկ ընել եկեղեցւոյ գլխաւորը»:

            Բացարձակապէս միակողմանի յօդուած մը, որուն տուեալները քաղուած են Պր. Պետրոսեանի կողմնակիցներու յայտարարութիւններէն, որովհետեւ երկու կողմերն ալ միեւնոյն աղբիւրէն ջուր կը խմեն:

            Սոյն յօդուածին տակ Պր. Կոպըլ հպարտօրէն նշած է իր աշխատանքային կապերը, որոնց առաջինն է՝ Տնօրէն Ատրպէյճանի հետազօտական եւ հրատարակչական Ակադեմիայի:  Յիշուած էր իր պաշտօնավարութիւնը ԱՄՆի պետական քարտուղարութեան մէջ:  Այստեղ աւելցուած են CIAը եւ ամենէն հետաքրքրականը՝ Radio Free Europeը:  Այսինքն այն կառոյցը որ կը ֆինանսաւորուի Ճորճ Սորոս հիմնարկին կողմէ:

            Քանի պարզուած է Փոլ Կոպըլի անունը՝ կը նշանակէ որ պատուհաս մը կը պատրաստուի մեր եկեղեցւոյ եւ մեր հայրենիքի գլխուն:

            Օտարին գործակալները աշխատանքի լծուած են իրենց մութ գործերը ոսկեզօծելով եւ ժողովուրդին ներկայացնելով:

            Ժողովուրդը պէտք չէ մոռնայ Ուքրանիոյ մէջ թափուած արիւնը որ դեռ չէ չորցած, եւ օտարի գործակալներուն երեսին շպրտէ ամօթի խարանը:

 

 

ԽՄԲԱԳՐՈՒԹԻՒՆ «ՀԱՅ ՁԱՅՆ»Ի

Յուլիս 23, 2018



    Լրահոս
    Օրացույց
    Ամենաընթերցված
    Եկեղեցական օրացույց
    /