• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Հայաստան
30.07.2018 | 15:04

Ամենայն Հայոց Կաթողիկոսն ընդունեց ֆրանսահայ ուխտավորներին

Հուլիսի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի «Գարեգին Ա.» կրթական կենտրոնում ընդունեց Փարիզի առաջնորդանիստ Ս. Հովհաննես Մկրտիչ եկեղեցու ուխտավորներին, Իսի-լե-Մուլինո քաղաքի հայկական Ս. Մարիամ Աստվածածին եկեղեցու հովանու ներքո գործող «Արարատ» պարային խմբին և համայնքի վարչության անդամներին՝ ուղեկցությամբ Ֆրանսիայի հայոց թեմի առաջնորդ Գերաշնորհ Տ. Վահան եպիկոպոս Հովհաննիսյանի և թեմում սպասավորող հոգևորականների:

Այցը կազմակերպվել է 2018 թվականը Ամենայն Հայոց Կաթողիկոսի կողմից Երիտասարդության տարի հռչակվելու կապակցությամբ:

Հայցելով Նորին Սրբության օրհնությունը՝ Վահան Սրբազանը ներկայացրեց ուխտավորներին, ինչպես նաև խոսեց Հայաստան այցից ստացած տպավորությունների մասին:

Այնուհետև Վեհափառ Հայրապետը, ողջունելով Մայր Աթոռ ուխտի եկած հայորդիներին, ուրախությամբ նշեց, որ նրանց այցը Հայաստան և Սուրբ Էջմիածին կատարվել է հայ ժողովրդի համար խորհրդանշական տարում, երբ ոգեկոչվում է Հայաստանի Առաջին Հանրապետության և մայիսյան հերոսամարտերի 100-ամյակը: Այս առիթով Ամենայն Հայոց Կաթողիկոսը հույս հայտնեց, որ ֆրանսահայ ուխտավորները կվերապրեն այդ պատմական իրադարձությունները, կզորանան իրենց հայրենասիրության մեջ և առավել կարժևորեն անկախ պետականության գաղափարը:

Հայոց Հովվապետը կարևորեց հայ ինքնության և մայրենիի պահպանությանն ուղղված ծրագրերը, հորդորեց ֆրանսահայերին իրենց զավակներին կրթել ու դաստիարակել հայեցի ոգով, նախնյաց սուրբ հավատքով, ինչը հայի գոյության գրավականն է:

Վեհափառ Հայրապետը վստահությամբ ընդգծեց, որ այցից ստացած տպավորություններն երկար ժամանակ ուղեկիցը պիտի դառնան իրենց կյանքի և առանձահատուկ խանդավառությամբ կփոխանցվեն իրենց զավակներին, ծնողներին, ընկերներին և ազգականներին:

Հանդիպմանը Գարեգին Բ Կաթողիկոսն իր մասնավոր գնահատանքը փոխանցեց առաջնորդ Վահան Սրբազանին և թեմի հոգևորականներին անձնդիր ու նվիրյալ ծառայության համար՝ մաղթելով ուժ, կորով և Սուրբ Հոգու առաջնորդությունն իրենց սրբազան առաքելության մեջ: Նորին Սրբությունը նաև իր գնահատանքը հայտնեց «Արարատ» պարային խմբի անդամներին իրենց ոգեշնչող ելույթի համար:

Վերջում Ամենայն Հայոց Հայրապետը ֆրանսահայ ուխտավորներին մաղթեց, որ հայրենիքի հանդեպ սերը երբեք չպակասի նրանց հոգիներում:

Հանդիպմանը ներկա էր Մայր Աթոռի փոխդիվանապետ Հոգեշնորհ Տ. Պարթև վարդապետ Բարսեղյանը



    Լրահոս
    Օրացույց
    Ամենաընթերցված
    Եկեղեցական օրացույց
    /