• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Արցախ
30.07.2018 | 21:15

Արցախում նշվեց Պաշտպանության բանակի հովանավոր սրբի հիշատակության տոնը

Հուլիսի 22-ին Արցախի Պաշտապնության նախարար Լևոն Մնացականյանի և ՊԲ ավագ գնդերեց Սարգիս սարկավագ Աբյանի նախաձեռնությամբ հանդիսավոր պայմաններում նշվեց Պաշտապնության բանակի հովանավոր և բարեխոս Սուրբ Գրիգորիս Հայրապետի հիշատակության տոնը:

Դեռևս 2017 թ հոկտեմբերի 10-ին  ՀՀ ԶՈՒ Հոգևոր Առաջնորդության կազմավորման 20-րդ տարեդարձին նվիրված միջոցառումների շրջանակում Սուրբ Էջմիածնում տեղի ունեցավ խաչվառների հանձնման հանդիսավոր արարողակարգ, որի ընթացքում Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը օրհնեց և ԶՈՒ զորամիավորումների ու զորատեսակների հրամանատարներին հանձնեց Հայ Առաքելական եկեղեցու սրբերի անունները կրող խաչվառներ, որոնցից յուրաքանչյուրը հանդիսանում է տվյալ զորատեսակի բարեխոս և պահապան սուրբը:

 Տոնի օրը Պաշտպանության բանակի շտաբից ավագ գնդերեցը դուրս բերեց Սրբի անունը կրող խաչվառը և այն տարվեց Ամարասի վանական համալիր, որտեղ Արցախի թեմի առաջնորդ Տ. Պարգև արքեպիսկոպոս Մարտիրոսյանի ձեռամբ մատուցվեց Սուրբ և անմահ պատարագ: Պատարագիչ Սրբազան Հայրն իր խոսքում կարևորեց այս նախաձեռնությունը և անդրադառնալով Սուրբ Գրիգորիսի կերպարին՝ հորդորեց ներկա զինվորներին, սպաներին, որպեսզի սրբի վարքն իրենց կյանքի ուղենիշ դարձնեն և շարժվեն հավատքի ուղով: Հավարտ Սուրբ Պատարագի կատարվեց օրհնության կարգ՝ հայոց բանակի ու սահմանը պաշտպանող ողջ զինվորյալ դասի համար: Պատարագին ներկա էին ԱՀ Պաշտապնության բանակի հրամանատարական կազմը՝ ՊԲ հրամանատար գեներալ-լեյտենանտ Լևոն Մնացականյանի գլխավորությամբ, ՊԲ զորամասերի գնդերեցներ, ինչպես նաև միավորումների և զորամասերի հրամանատարեր՝ իրենց անձնակազմով: Պատարագի ավարտից հետո Ամարասի վանական համալիրում Պաշտպանության բանակի կողմից ներակներին մատուցվեց ճաշ՝ Արցախյան ավանդական կուրկուտ:

 

Հայցենք Սուրբ Գրիգորիս Հայրապետի բարեխոսությունը, որպեսզի Երկնային Տերն Իր սպառազինությամբ անսասան պահի՝ հայոց բանակն ու հայ զինվորի մարտական ոգին:



    Լրահոս
    Օրացույց
    Ամենաընթերցված
    Եկեղեցական օրացույց
    /