• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Հայաստան
01.08.2018 | 01:21

Արմեն Խաչատրյանը՝ նախկին հայր Եղիան, իմ անձին վերագրում է լկտի սուտ և հերյուրանք. Տ. Մինաս ավագ քահանա Մարտիրոսյան

 Հուլիսի 28-ին Երևան քաղաքի Սուրբ Աննա եկեղեցու բակում տեղի ունեցած եկեղեցամերժ ցույցի ժամանակ ցուցարար Արմեն Խաչատրյանը (նախկինում` հայր Եղիա) իմ անունից հայտարարություններ է տարածել:

Այս մասին իր ֆեյսբուքյան էջում գրում է Սևանի Վազգենյան հոգևոր դպրանոցի փոխտեսուչ Տ. Մինաս ավագ քահանա Մարտիրոսյանը:

Ստորև ներկայացնում ենք գրառումն ամբողջությամբ.

Ցուցարար Արմեն Խաչատրյանը հայտարարել է, որ տարիներ առաջ իր և իմ` տեր Մինաս քահանա Մարտիրոսյանիս միջև կայացած զրույցի ընթացքում ես, իբրև թե, իրեն ասել եմ, որ դպրանոցի ներկայիս վերատեսուչ Տ. Գևորգ եպիսկոպոս Սարոյանը (ավազանի անունը` Արման) դպրանոցում ուսանելու տարիներին եղել է անկարգ սան, և իր (Արմեն Խաչատրյանի) հարցին, թե այդ դեպքում ես, որպես դպրանոցի տեսուչ՝ ինչու՞ չեմ հեռացրել նրան դպրանոցից, իբր թե, պատասխանել եմ, որ Արման Սարոյանը կաթողիկոսի քրոջ որդու` Հայկ Պռոշյանի (ներկայումս` Տ. Մկրտիչ եպիսկոպոս Պռոշյան) ընկերն է, ուստի այդ պատճառով ի զորու չեմ եղել նրան հեռացնել:

 Ամենայն պատասխանատվությամբ հայտարարում եմ, որ նման խոսակցություն երբևէ տեղի չի ունեցել իմ և Արմեն Խաչատրյանի (նախկին հայր Եղիա) միջև, և վերջինիս կողմից իմ անձին եղած բոլոր վերագրումները լկտի սուտ և հերյուրանք են:

   Նախ, ուզում եմ հստակ ընդգծել, որ Արման Սարոյանը (ներկայումս` Տ. Գևորգ եպիսկոպոս Սարոյան) իմ տեսչության տարիներին անկարգ սան չի եղել և, ընդհանրապես, նրան դպրանոցից հեռացնելու որևէ պատճառ չի եղել:

 Երկրորդ հանգամանքն այն է, որ Գարեգին Բ Կաթողիկոսը Գևորգ եպիսկոպոս Սարոյանի ուսանելու տարիներին Արարատյան Հայրապետական թեմի առաջնորդական փոխանորդն է եղել` Տ. Գարեգին արքեպիսկոպոս Ներսիսյանը, ոչ թե Ամենայն Հայոց Կաթողիկոսը, հետևաբար, ես չէի կարող խոսքի մեջ շեշտել, թե Արման Սարոյանը կաթողիկոսի քրոջ որդու ընկերն է եղել: Այդ տարիներին Գարեգին Սրբազանը (Գարեգին Բ Կաթողիկոսը) եղել է Վազգենյան հոգևոր դպրանոցի վերատեսուչը, ում՝ բոլոր սաների հանդեպ անաչառ և անկողմնակալ վերաբերմունքը շատ հստակ է եղել:

 Իհարկե, տեսչական բազմամյա ծառայության փորձառությունն ինձ հուշում է, որ Արմեն Խաչատրյանի կողմից թերևս փորձ է արվելու այս հերքումը ներկայացնել իբրև պարտադրված մի գրություն: Ուզում եմ նրան խորհուրդ տալ, որ թույլ ճշմարտությունն առավել արժեքավոր է, քան պարարտ սուտը>>,- եզրափակում է իր գրառումը Տ. Մինաս ավագ քահանա Մարտիրոսյանը:
 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /