• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 20, 2018
Աենամեծը ժողովուրդն է

Մարդիկ մեծանում են մեծերի հետ գործ ունենալով,իսկ ամենամեծը ժողովուրդն է, բոլոր մեծ ստեղծագործողները աշակերտներ են անմահ մեծ ժողովրդի:  

                                                                                           ՀՈՎՀԱՆՆԵՍ ՇԻՐԱԶ

Հայաշխարհի ձայն, Լրահոս, Ամերիկա, Եվրոպա, Միջին Արևելք, Հայաստան, Արցախ
04.08.2018 | 12:30

Ինքնիշխան, ուժեղ երկիր կառուցելու մեր ծրագրերը ՀԱՊԿ անդամ երկրները վտանգավոր են համարում. Կարապետ Ռուբինյան

Հեղինակ՝ ԳՈՀԱՐ ԱՎԵՏԻՍՅԱՆ

Հայ-ռուսական հարաբերությունները խորացնելու, Եվրասիական համագործակցության, ՀԱՊԿ-ի երկրների հետ համագործակցությունը ամրապնդելու մասին անդադար հավաստիացումները չէին կարող պաշտպանել մեզ դառը իրականության հետ բախումից: Այս մասին ՀԱՅ ՁԱՅՆ լրատվականի հետ զրույցում նշեց քաղաքական գործիչ, ԱԺ նախկին փոխնախագահ ԿԱՐԱՊԵՏ ՌՈՒԲԻՆՅԱՆՆ՝ անդրադառնալով վերջին շրջանում հայ-ռուսական հարաբերությունների մեջ առաջացած լարվածությանը, Լավրովի կոշտ հայտարարությանն ու Հայաստանի ԱԳՆ-ի պատասխանին:

«Իրականությունն այն է, որ հեղափոխության արդյունքում մեր ու այդ երկրների միջև քաղաքակրթական անդունդ է առաջացել: Ինքնիշխան, ժողովրդավարական, ազատ, ուստի և ուժեղ երկիր կառուցելու մեր պլանները ոչ միայն չեն ողջունվում՝ վտանգավոր են համարվում իրենց համար: Այս իրավիճակում մեզ պետք է ոչ միայն հաստատակամություն ցուցաբերել մեր ընտրած զարգացման ուղին շարունակելու համար, այլև առավելագույն զսպվածություն ցուցաբերել: Կարծում եմ, ԱԳՆ խոսնակի հնչեցրած պատասխան արձագանքը բավարարում էր այս պահանջին»,- ասաց նա:

Ինչ վերաբերում է ՀԱՊԿ գլխավոր քարտուղար Յուրի Խաչատուրովին մեղադրանք առաջադրելու որոշմանը և դրա վերաբերյալ հակասական արձագանքներին, մասնավորապես այն հարցին, որ դա վնասել է ՀԱՊԿ-ի հեղինակությանը, Կարապետ Ռուբինյանը նշեց. «ՀԱՊԿ-ը հեղինակություն պետք է ունենա, որպեսզի այն վնասելու մասին խոսենք: Ցանկացած սթափ մտածող մարդ, էլ չեմ ասում փորձագետ, կասի ձեզ, որ ՀԱՊԿ-ը Կրեմլի ստեղծած ու իր նեոգաղութատիրական ծրագրերը սպասարկող գործիք է, որն ավելի շատ մեռելածին է, քան կենսածին: Իսկ Հայաստանի դիրքն այդ կառույցում ամենևին կապված չի և չի եղել Խաչատուրովի հետ: Նրա նկատմամբ քրեական հետապնդում սկսելը պարզապես առիթ հանդիսացավ մեր երկրի ներքին գործերին խառնվելու համար»:



    Լրահոս
    Օրացույց
    Ամենաընթերցված
    Եկեղեցական օրացույց
    /