• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 20, 2018
Բաժանող գծեր չեն կարող լինել մեր ազգի ժառանգների սրտերում

Գիտեմ, որ սահմաններ են բաժանում մեզ, ինչ-որ գծեր աշխարհի քարտեզի վրա, բայց հազիվ թե նման գծերը կարողանան սահման դնել մեր հին, հեռավոր ազգի ժառանգների սրտերում, եթե նույնիսկ նրանք ապրելու լինեն տարբեր մոլորակների վրա:

ՎԱՀՐԱՄ ՓԱՓԱԶՅԱՆ

Աշխարհի ձայն, Լրահոս
04.08.2018 | 17:15

Էրդողանը պատրաստվում է սառեցնել ԱՄՆ ներքին գործերի և արդարադատության նախարարների հաշիվները. ՏԱՍՍ

 

Թուրքիայի իշխանությունները պատրաստվում են սառեցնել ԱՄՆ արդարադատության նախարար Ջեֆ Սեշնսի և ներքին գործերի նախարար Ռայան Զինկեի հաշիվները` ի պատասխան թուրք նախարարների հանդեպ Վաշինգտոնի մտցրած պատժամիջոցներիՏԱՍՍ գործակալությունը հայտնում է, որ այս մասին օգոստոսի 4-ին Անկարայում իր ելույթում ասել է Թուրքիայի նախագահ Ռեջեփ Թայիփ Էրդողանը:

«Այսօր ես կարգադրելու եմ իմ ընկերներին, որ Թուրքիայում ԱՄՆ արդարադատության և ներքին գործերի նախարարների հաշիվների առկայության դեպքում դրանք սառեցնեն: Թուրք նախարարների նկատմամբ պատժամիջոցներ մտցնելու ԱՄՆ-ի որոշումը տրամաբանական չէ: Թուրքիայի նկատմամբ այդպիսի վերաբերմունքն անթույլատրելի է»,- ասել է Էրդողանը:

Այդ երկրի նախագահը նաև նշել է, որ Բրանսոնի գործով ԱՄՆ գործողությունները չեն համապատասխանում ռազմավարական գործընկերոջ հարաբերություններին:

«Սա Թուրքիայի նկատմամբ լուրջ անարգանքի դրսևորում է»,- նշել է   նա:

ԱՄՆ ֆինանսների նախարարությունը օգոստոսի 1-ից պատժամիջոցներ է մտցրել Թուրքիայի ներքին գործերի նախարար Սուլեյման Սոյլուի և արդարադատության նախարար Աբդուլհամիդ Գյուլայի նկատմամբ այն բանի համար, որ Անկարան չի թույլատրել հայրենիք վերադառնալ ամերիկացի հոգևոր հովիվ Էնդրյու Բրանսոնին:

Ինչպես հայտնել է Սպիտակ տան մամուլի խոսնակ Սարա Սանդերսը` սահմանափակումները մտցվել են ԱՄՆ նախագահ Դոնալդ Թրամփի կարգադրությամբ: Թուրքիայի ԱԳՆ-ը քննադատել է ԱՄՆ որոշումը և հորդորել հրաժարվել դրանից՝ զգուշացնելով, որ այդպիսի ագրեսիվ դիրքորոշումը, որը չի բխում որևէ կողմի շահերից, անհապաղ պատասխան կստանա:

 


    Լրահոս
    Օրացույց
    Ամենաընթերցված
    Եկեղեցական օրացույց
    /