• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Հայաստան, Արցախ
08.08.2018 | 16:05

ՌԴ-ում վատատեսների կանխատեսումները չեն արդարացել. Взгляд-ը Նիկոլ Փաշինյանի կառավարության մասին

 Ռուսական Взгляд-ն անդրադարձել է Հայաստանում տեղի ունեցած «թավշյա»  հեղափոխությանը, նախ հիշեցնելով, որ երեք ամիս առաջ բողոքի ցույցերի արդյունքում Հայաստանի իշխանությունները տեղի տվեցին, հեռացան, Հայաստանում հաղթեց «թավշյա» հեղափոխությունը:

 

 Վերլուծաբանը նկատում է, թե  հեղափոխությունը շատերի համար անսպասելի էր, չնայած սոցիոլոգիական հարցումները ցույց էին տալիս, որ ՀՀԿ կուսակցության ու  Սերժ Սարգսյանի կառավարության նկատմամբ վստահության չափազանց ցածր ցուցանիշ կա: Ու չնայած դրան, քչերն էին հավատում իշխանափոխության հավանականությանը:  

  Լրատվամիջոցն անդրադառնում է, թե այս ամիսների  ընթացքում ինչի՞ է հասել  շարժման առաջնորդ և ՀՀ նոր վարչապետ Նիկոլ Փաշինյանը, և ի՞նչ սխալներ է թույլ տվել:

 
Նախ՝ արձանագրում է, թե ՌԴ-ում  վատատեսների կանխատեսումները չեն արդարացել. Նիկոլ Փաշինյանը Հայաստանը դուրս չի հանել ԵԱՏՄ-ից, «ձեռք չի տվել» ռուսական ռազմաբազային և չի թակել ՆԱՏՕ-ի դռները՝  
 
Հեղինակը պատմական տեսանկյունից  երեք ամիսն աննշան ժամկետ է համարում ՝ լուրջ եզրակացություններ անելու համար, նկատեով, որ ցանկացած քաղաքական գործչի անհրաժեշտ է գոնե մեկ տարի իր դիրքերն ամրապնդելու համար:

  
Արդյոք Փաշինյանը  կկարողանա՞ կառավարել երկիրը, արդյոք նա կկարողանա՞ սկզբունքային փոփոխություններ իրականացնել՝ այս հարցերը  շարունակում են մնալ ակտուալ:

    Ակնհայտ է, որ նոր վարչապետի թիմում բավական չեն ուժեղ կադրերը և տարածաշրջանի հարցերով փորձագետները: Փաշինյանի որոշ նշանակումներ արդեն քննադատության են արժանացել, դա վերաբերում են այն քայլերին, որոնք կարելի է անվանել չափազանց կտրուկ և չմտածված,  որոնք,  հատկապես, դարձել են Մոսկվայի հետ հարաբերություններում լարվածության պատճառ:


Հեղինակը միաժամանակ նկատում է՝ որոշ հարցերում Փաշինյանի կտրուկ քայլերը եղել են տեղին: Նա  Հայաստանի նորագույն պատմության շրջանում սկսել է ամենամասշտաբային արշավը կոռուպցիայի դեմ պայքարում: Լայնամասշտաբ փոփոխություններ են սկսվել ուժային գերատեսչությունների ղեկավարությունում, հարուցվել են տասնյակ քրեական գործեր, փոխվել է երկրի դատարանների, քննչական կոմիտեի, ոստիկանության, գլխավոր շտաբի, պաշտպանության նախարարության ղեկավարությունը: Զուգահեռաբար երկրում հայտարարվել է համաներում, որը թույլ է տվել հայրենիք վերադառնալ շատերին, որոնք կապվում էին քաղաքական արտագաղթի հետ, նաև՝ առկա կոռուպցիոն կանոններով խաղալ չցանկացող գործարարներին: Կազմակերպվել են խուզարկություններ քրեական հեղինակությունների տներում, գրում է հեղինակը՝ նշելով նաև, նրա խոսքով, ամենազգայուն թեման, այն է՝ 2008 թվականի մարտի 1-ի դեպքերի հետաքննության վերսկսումը:

Այս ամենը կարելի է ցանկության դեպքում անվանել «այլ մեթոդներով հեղափոխական պայքարի շարունակություն», իսկ որոշները դա անվանում են բռնաճնշումներ, բայց այդ ֆոնին երկրում տեղի են ունեցել մարդկանց համար տեսանելի փոփոխություններ: Օլիգարխների նկատմամբ ճնշում է գործադրվել, և նրանք փոխել են իրենց պահվածքը:

 Հոդվածագիրն ամփոփում է՝ ասելով, իհարկե, մինչ կատարելություն դեռ շատ կա, բայց առաջընթացն ակներև է:  

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /