• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Հարցազրույց, Հայաստան
08.08.2018 | 14:55

Ֆեյքային պատերազմներն ու հետհեղափոխական Հայաստանը

 Հեղինակ՝ ԱՆԺԵԼԱ ՀԱՐՈՒԹՅՈՒՆՅԱՆ

 

Թավշյա հեղափոխությունից հետո Հայաստանում ակտիվացել են  «ֆեյքային գումարտակները»: Ամեն քաղաքական ուժ փորձում է սոցիալական մեդիայի միջոցով, ձևավորել իր համար նպաստավոր հանրային կարծիք: Արդյունքում՝ ձևավորվում է անհանդուրժողականության մթնոլորտ, բախվում ենք  չստուգված, սուտ լուրերի պատին, որոնք՝ հաճախ, հանրության շրջանում զայրույթ և խուճապ են առաջացնում: Այնպիսի խճանկար է. թվում է որոշ հարցեր ծնվում են սոցիալական մեդիայի տիրույթում, ստեղծում կեղծ օրակարգ, և այնտեղ էլ գտնում իրենց հանգուցալուծումն ու վախճանը: ՀԱՅ ՁԱՅՆ լրատվականը թեմայի մասին զրուցեց մեդիափորձագետ ՍԱՄՎԵԼ ՄԱՐՏԻՐՈՍՅԱՆԻ հետ:

Մեդիափորձագետը նկատում է. «Շատ բարդ խնդիր առաջ ենք կանգնած, քանի որ մանիպուլյացիայով զբաղվողները օգտվում են նրանից, որ մարդկանց մեծ մասը չի խորանում տրված ինֆորմացիայի մեջ, և ստացած տեղեկությունը ընկալում է՝ որպես վերջին ատյանի ճշմարտություն: 10 տարի առաջ նման դեր ուներ հեռուստացույցը, եթե մի բան հեռուստացույցով ցույց էին տալիս՝ ուրեմն այդպես էլ կար, եթե ոչ՝ ուրեմն, նման բան գոյություն չունի: Հիմա նույնը Ֆեյսբուքում է: Հասարակության մի մասի մոտ կա  գրագիտության պակաս»:  

Պարոն Մարտիրոսյանի խոսքով՝ միշտ էլ  Ֆեյսբուք սոցիալական ցանցը օգտագործվել է որպես տեղեկատվական հարթակ, սակայն հիմա՝ իրավիճակը սրված է.

«Մի քանի տարի է, ինչ Ֆեյսբուքը հիմնական տեղեկատվական հարթակներից է՝ լրատվականները հենց Ֆեյսբուքի միջոցով են ձեռք բերում ընթերցողների մեծ քանակ: Բնականաբար, այս հարթակը թույլ է տալիս՝ ձևավորել ինչ-որ կարծիքներ, և մթնոլորտ: Հիմա պարզապես այս ամենը շատ սրված է, որովհետև ներքաղաքական պայքարը շատ ուժեղ է: Ֆեյսբուքում իրականացվում է լուրջ քարոզչական հակամարտություն, և ոչ միայն  Ֆեյսբուքում՝ ընդհանուր տեղեկատվական դաշտում, պարզապես, Ֆեյսբուքն ամենահարմար տարբերակն է այդ ամենն իրականացնելու համար: Ինչ-որ առումով՝ սա գնալով խորանում է»:

Ի պատասխան հարցին, թե ինչպե՞ս կարելի է սեփական տիրույթը պաշտպանել ֆեյքային կեղծ լուրերից, չդառնալ մանիպուլյացիայի զոհ, մեդիափորձագետն ասաց. «Խնդիրն այն է, որ բավական էմոցիոնալ վիճակ է երկրում: Մարդիկ շատ զգացմունքային են և, բնականաբար, ազդեցության այդ շեմն ավելի  է մեծանում,  որովհետև մարդիկ շատ դեպքերում ուզում են  կարդալ այն՝ ինչն  իրենք են այդ պահին պատկերացնում:

Դժվար է պաշտպանել սեփական տիրույթը, քանի որ մանիպուլյացիայով զբաղվողները, անընդհատ փոխում են իրենց սցենարները: Այնպես չէ, որ կարող ես լիարժեք պաշտպանվել սոցիալական մեդիայի քո տիրույթում, բայց գոնե պետք է հիշել մի բան, որ եթե անծանոթ աղբյուրից ինչ-որ բան ես կարդացել՝ չի կարելի դա ընկալել որպես ստուգված ճշմարտություն կամ փաստ»,-ընդգծեց Սամվել Մարտիրոսյանը:

 


    Լրահոս
    Օրացույց
    Ամենաընթերցված
    Եկեղեցական օրացույց
    /