• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 20, 2018
Բաժանող գծեր չեն կարող լինել մեր ազգի ժառանգների սրտերում

Գիտեմ, որ սահմաններ են բաժանում մեզ, ինչ-որ գծեր աշխարհի քարտեզի վրա, բայց հազիվ թե նման գծերը կարողանան սահման դնել մեր հին, հեռավոր ազգի ժառանգների սրտերում, եթե նույնիսկ նրանք ապրելու լինեն տարբեր մոլորակների վրա:

ՎԱՀՐԱՄ ՓԱՓԱԶՅԱՆ

Հայաշխարհի ձայն, Լրահոս
20.08.2018 | 20:45

Հայաստանում ցավոք սրտի մածունը կարծես թե կրկին սև է. Գարիկ Քեռյան

 

Քաղաքագետ Գագիկ Քեռյանը մտահոգություն է հայտնել Հայաստանի ներքաղաքական իրավիճակի, կարևորը երկրորդականից չտարբերելու, անձնական-կուսակցական շահերը պետականից գերադասելու միտումների շուրջ: Նա մասնավորապես գրում է.

«Կարևորը երկրորդականից տարբերելու, առաջնայինն առանձնացնելու և դրա լուծումը տալու ուղիների մատնանշումը քաղաքական ուժերի, նրանց առաջնորդների բնութագրման ու գնահատականի հիմքում պետք է դրվեն, դառնան հասարակական կարծիքի բարոմետրը: Սա նորմալ կայացած, զարգացման հաստատուն ուղիով գնացող երկրների համար աքսիոմատիկ ճշմարտություն է, իսկ այն հարցականի տակ դնելը հիմարություն: Իհարկե այս դեպքում մածունը կրկին սպիտակ է: Այս առումով Հայաստանում ցավոք սրտի մածունը ոնց որ թե կրկին սև է:

Անվտանգության ապահովման և պատերազմի բռնկման գերխնդրի կողքին օդի և ջրի պես հրատապ է հաղորդակցության ուղիների, տրանսպորտային կոմունիկացիաների խնդիրը: Լարսի անցակետի շուրջ պերիոդիկ քաոսային վիճակները կաթվածահար են անում ամեն ինչ, գյուղատնտեսությունից բռնած տուրիզմից վերջացրած: Երբ մեր քաղաքական օրակարգում հեղափոխություն-հակահեղափոխություն, դատարաններ, կաշառակերներ, մարտի 1, սահմադրությունների ամենամյա վերաձևումներն են ՀՀ քաղաքացիները տուժվում են ֆինանսապես և տանջվում բարոյապես:

Թանկանում են ավիատոմսերը: Լուրջ վտանգ եմ տեսնում նաև ներդրումների առումով: Գաղտնիք չէ, որ ներդրումային բարենպաստ միջավայրի համար առաջնային նշանակություն ունի էժան և մատչելի հաղորդակցության ուղիների առկայությունը: Մասնագիտական հայացքով, քաղաքական և աշխարհաքաղաքական առումներով շատ տխուր պատկերի ականատեսն ենք: Թուրքական և ադրբեջանական տարածքներով անցնող ուղիները փակ են հիմնավորապես: Ւրանական ուղին դարձել է խնդրահարույց ԱՄՆ-Իրան լարվածության աճի և հայտնի հակամարտության պատճառով:

Մեր տնտեսվարողները, պարզվում է, անպայման պետք է խորհրդատվություն ստանան՝ ամերիկյան դեսպանատանը փոսի մեջ չընկնելու համար: Վրացական տարածքով անցնող ուղիները նույպես կախված են քաղաքական քամիներից. ռուս-վրացական հակամարտություն, ներքաղաքական գործընթացներ հայ-ռուսական հարաբերությունների շուրջ և այլն: Որ մի ներդրողը այսպիսի մեծ ռիսկի կդիմի, չէ որ մրցունակությունը կախված է ինքնարժեքից, իսկ ինքնարժեքը տրանսպորտային ծախսերից և էներգիայի սակագնից:

Եթե չկա տնտեսական վերելք, չկա բարեկեցություն, կշարունակվի արտագաղթը, կկոտրվի պետության ողնաշարը: Ահա թե որն է կարևորագույնը և անհետաձգելին: Դրա փոխարեն հեղափոխականներն ու հակահեղափոխականները պատրաստվում են գնալ Ավարայր՝ բարոյական հաղթանակ տանելու, էլ ավելի դեմոկրատական դառնալու, հին հաշիվները մաքրելու, միմյանց սպառնալու, ծաղրանքի նոր հետաքրքիր ձևեր գտնելու ճանապարհով: Պետական բարձրագույն շահը ստորադասված է նեղ անձնական կուսակցական շահերով: Իսկ սա շատ վտանգավոր է»:


    Լրահոս
    Օրացույց
    Ամենաընթերցված
    Եկեղեցական օրացույց
    /