• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 20, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս, Մեր ձայնը, Խմբագրական, Հայաստան
02.09.2018 | 17:27

Աշխատանքների ամփոփում և հեռանկարներ Արմավիրի ՌԱԿ երիտասարդական ակումբում

Սեպտեմբերի  2-ին Արմավիրի ՌԱԿ երիտասարդական ակումբում տեղի ունեցավ հերթական ժողովը, որի նպատակն էր ամփոփել ամռանը կատարած աշխատանքների արդյունքները և պլանավորել աշնան անելիքները։

Նախ ամփոփվեցին «Արփի» ֆուտբոլային ակումբի գրանցած հաջողությունները և մարզումների ընթացքը։ Ակումբի մարզչական կազմն իր վրա դրված խնդիրները լուծում է ամենայն պատասխանատվությամբ՝ տանելով թիմին դեպի նորանոր հաջողություններ և հաղթանակներ. դրա վառ ապացույցը  այն է, որ այս տարի թիմը խաղալու է Հայաստանի առաջնության Ա խմբում։

Քննարկվեցին նաև Արմավիրի ՌԱԿ ակումբում անվճար սկզբունքով անցկացվող անգլերեն լեզվի և նկարչական դասընթացների արդյունքները։

Անգլերենի դասընթացները ընթանում են բնականոն հունով, նկատելի են մասնակիցների ինքնազարգացումը և բանավոր խոսքի հղկումը, իսկ մասնակիցներից երկուսը մասնակցելու են միջազգային փոխանակման ծրագրի։

Նկարչական դասընթացների արդյունքները ևս շոշափելի են: Մասնակիցներն արդեն տիրապետում են բատիկա նյութով վերնաշապիկների նկարազարդմանը և շարունակում են այդ ոլորտում գիտելիքները խորացնել ։

Ժողովի ընթացքում քննարկվեցին նաև ակումբի հետագա անելիքները, որոնք մասնավորապես վերաբերում էին առավել ակտիվորեն կուսակցական գործունեություն ծավալելուն, երիտասարդական միջոցառումների հաճախակի կազմակերպմանը, քաղաքային և մարզային մակարդակով կուսակցության գաղափարախոսության տարածմանը, ինչպես նաև նոր նախաձեռնությունների և ծրագրերի կյանքի կոչմանը։

 Խոսվեց «Արփի» ակումբի հետագա ընկերական հանդիպումների անցկացման, անգլերեն լեզվի և նկարչական դասընթացների մասնակիցների ջանքերով միջոցառումների և ցուցահանդեսների կազմակերպման մասին։

Ժողովի վերջում տեղի ունեցավ փոխատենապետի ընտրություն, որի ժամանակ անդամների միաձայն որոշմամբ փոխատենապետ ընտրվեց ակումբի անդամներից Տարոն Մկրտչյանը։

Ժողովի ավարտին բոլորին անակնկալ էր սպասվում, Սեպտեմբերի 1-ի առթիվ մասնակիցները նվեր ստացան գրիչներ և նոթատետրեր։

 

 

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /