• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 20, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս
08.09.2018 | 20:15

Ամենայն Հայոց Կաթողիկոսն ընդունել է Գյումրու Սուրբ Հակոբ եկեղեցու ուխտավորներին

 

Սեպտեմբերի 8-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և  Ամենայն Հայոց Կաթողիկոսը Մայր Աթոռ Սուրբ Էջմիածնի «Գարեգին Ա» կրթական կենտրոնում ընդունել է Շիրակի թեմի Գյումրու Սուրբ Հակոբ եկեղեցու ուխտավորներին` առաջնորդությամբ հոգևոր հովիվ Արժանապատիվ Տ. Վարուժան քահանա Տերտերյանի

Այս մասին տեղեկացնում են Մայր Աթոռ Ս. Էջմիածնի տեղեկատվական համակարգից:

Ամենայն Հայոց Կաթողիկոսը, իր հայրական օրհնությունը բերելով ուխտավորներին, ողջունել է գյումրեցիների այցը Մայր Աթոռ։ Հայոց Հայրապետն ընդգծել է, որ «Գյումրի» անվան արտաբերումն առանձնակի ջերմություն է առաջացնում յուրաքանչյուր հայորդու սրտում,  որովհետև Գյումրին այն կենտրոնն է, որտեղ պահպանվում ու փոխանցվում է հայ ազգի հոգևոր, մշակութային դիմագիծը։

Ամենայն Հայոց Կաթողիկոսն անդրադարձել է ուխտագնացությունների կարևորությանը և անհրաժեշտությանը հոգևոր կյանքի զորացման համար՝ նշելով, որ ուխտի գնալով ուխտավորներն հայոց սրբատեղիներն առատացնում են աղոթքով, աղոթքով լցնում նաև իրենց հոգիները։ Նորին Սրբությունը հավատացյալներին հորդորել է հարատևորեն մնալ աղոթքի մեջ, ամուր պահել հավատքն ու հույսը, քանզի դրանց միջոցով է մարդն արարում ու պայքարում փորձությունների և զանազան մարտահրավերների դեմ։

Վեհափառ Հայրապետը վերհիշել է նաև Գյումրու Սուրբ Հակոբ եկեղեցու կառուցման պատմությունը` ջերմ հուշեր արթնացնելով ներկաների մոտ:



    Լրահոս
    Օրացույց
    Ամենաընթերցված
    Եկեղեցական օրացույց
    /