• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 20, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս, Մեր ձայնը, Խմբագրական, Հայաստան
09.09.2018 | 20:00

Վարդենիսի ՌԱԿ «Անդրանիկ» ֆուտբոլային ակումբը՝ ՀՀ մարզադպրոցների առաջնության բրոնզե մեդալակիր (լուսանկարներ)

ՀՀ մարզադպրոցների միջև 2002-2003 թթ. ծնված պատանիների ֆուտբոլի հանրապետական առաջնությունում Վարդենիսի ՌԱԿ Անդրանիկ պատանեկան ֆուտբոլային ակումբը բրոնզե մեդալակիր է դարձել՝ զբաղեցնելով պատվավոր երրորդ հորիզոնականը:

Առաջանությունը մեկնարկել է օգոստոսի երեսունմեկին և տևել մինչև սեպտեմբերի ինը: Թվով յոթ ֆուտբոլային հանդիպումների ընթացքում Անդրանիկի պատանի ֆուտբոլիստները կարողացել են լավագույնս ցուցադրել իրենց մարզական հմտությունները և ֆիզիկական պատրաստվածության բարձր մակարդակը՝ անզիջում պայքարում առաջ անցնելով առաջնության մասնակից մի շարք ակումբներից: Ինչպես ակումբի մարզիչներ են փաստում, խաղերն անցել են լարված պայքարում, բայց Անդրանիկի ֆուտբոլիստները կարողացել են գեղեցիկ ու գոլառատ խաղ ցուցադրել՝ այդպիսով առաջնությունում ամրագրելով իրենց հաղթանակը:

Մրցումներն անցկացվել են ՀՀ Կրթության և գիտության նախարարության հովանու ներքո Երևանի Ավան վարչական շրջանի մարզադպրոցում:  

Առաջնությանը մասնակցել է Երևանի ԽՄՕՄ, Իջևանի Նիկարմ, Արթիկի, Մասիսի, Վեդիի, Մեծամորի, Արտաշատի և Վարդենիսի մարզադպրոցների ֆուտբոլային ակումբները: Հանդիպումները տեղի են ունեցել շրջանաձև կարգով:

Առաջնության նպատակն էր պարզել մեկ տարվա ընթացքում Հայաստանի պատանեկան մարզադպրոցներում կատարված աշխատանքները: Անդրանիկի գրանցած հաջողությունը ևս մեկ անգամ ապացուցում է այն հանգամանքը, որ ֆուտբոլային ակումբում կատարված աշխատանքներն ու ներդրված ջանքերն իրենց նպատակին են ծառայել:

Սա Հայաստանի պատանեկան առաջնության մրցաշրջանից առաջ լավ հնարավորություն էր Անդրանիկի ֆուտբոլիստների համար՝ ստուգելու իրենց կարողություններ ու հմտությունները: 

Հիշեցնենք, որ Վարդենիսի ՌԱԿ Անդրանիկ պատանեկան ակումբը հովանավորվում է Նազիրյան ընտանիքի կողմից:

 

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /