• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 20, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս
11.09.2018 | 19:15

Թբիլիսիում քննարկումներ են արվել թվային դիվանագիտության և տեղեկատվական ոլորտում հայ-վրացական համագործակցության հնարավորությունների շուրջ

 

Սեպտեմբերի 10-ին Թբիլիսիում կայացել են Հայաստանի և Վրաստանի արտգործնախարարությունների միջև արտաքին քաղաքականության տեղեկատվական ապահովման վերաբերյալ խորհրդատվություններ։ Ինչպես  տեղեկացրին ՀՀ ԱԳՆ լրատվության և հանրային դիվանագիտության կապերի վարչությունից, խորհրդատվությունների շրջանակներում ՀՀ ԱԳՆ մամուլի խոսնակ Տիգրան Բալայանը հանդիպումներ է ունեցել Վրաստանի արտաքին գերծերի նախարարության Սահմանակից երկրների վարչության պետ Մալխազ Միքելաձեի, ԱԳՆ մամուլի խոսնակ Վլադիմեր Կոնստանտինիդիի, Մամուլի և տեղեկատվության վարչության պետ Մարի Նարչեմաշվիլիի, Միջազգային մշակութային և հումանիտար հարաբերությունների վարչության պետ Քեթևան Կանդելակիի հետ:

Հանդիպումներին քննարկվել են տեղեկատվական և հասարակայնության հետ կապերի ոլորտներում իրականացվող աշխատանքների առնչվող հարցեր: Զրուցակիցները բարձր են գնահատել տեղեկատվական աշխատանքի վերաբերյալ առաջին միջգերատեսչական խորհրդակցությունների անցկացումը՝ ընդգծելով, որ այն խորհրդանշում է Հայաստանի և Վրաստանի արտաքին քաղաքական գերատեսչությունների փոխգործակցության բարձր մակարդակը և նոր հնարավորություններ ընձեռում համագործակցության հետագա զարգացման համար։  

Հայաստանի արտաքին քաղաքական գերատեսչության մամուլի խոսնակը զրուցակիցներին ներկայացրել է ԱԳՆ լրատվության և հանրային դիվանագիտության վարչության գործունեության հիմնական ուղղությունները և նոր նախաձեռնությունները, որոնք միտված են Հայաստանի արտաքին քաղաքական օրակարգի վերաբերյալ հայկական և արտերկրյա լսարանի շրջանում իրազեկվածության բարձրացմանը, բարեկամ երկրների հետ տեղեկատվական ոլորտում համագործակցության արդյունավետության բարձրացմանը:

Զրույցի ընթացքում մտքեր են փոխանակվել թվային դիվանագիտության և տեղեկատվական ոլորտում հայ-վրացական համագործակցության հնարավորությունների շուրջ:

Անդրադարձ է կատարվել նաև Ֆրանկոֆոնիայի միջազգային կազմակերպության երևանյան գագաթաժողովի և հարակից միջոցառումների նախապատրաստական աշխատանքներին և այդ միջոցառումների լուսաբանման հետ կապված հարցերին:

 


    Լրահոս
    Օրացույց
    Ամենաընթերցված
    Եկեղեցական օրացույց
    /