• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 20, 2018
Բաժանող գծեր չեն կարող լինել մեր ազգի ժառանգների սրտերում

Գիտեմ, որ սահմաններ են բաժանում մեզ, ինչ-որ գծեր աշխարհի քարտեզի վրա, բայց հազիվ թե նման գծերը կարողանան սահման դնել մեր հին, հեռավոր ազգի ժառանգների սրտերում, եթե նույնիսկ նրանք ապրելու լինեն տարբեր մոլորակների վրա:

ՎԱՀՐԱՄ ՓԱՓԱԶՅԱՆ

Հայաշխարհի ձայն, Լրահոս, Հայաստան
12.09.2018 | 19:05

Մայրաքաղաքի աղբահանությունը կազմակերպելու համար տեղին է երկրորդ օպերատորի ներգրավումը. Սուրեն Պապիկյան

Ազգային ժողովում կառավարության անդամների հետ հարցուպատասխանի ժամանակ «Ծառուկյան» խմբակցության պատգամավոր Տիգրան Ուրիխանյանը հարց բաձրացրեց, որ Երևանի թաղամասերում աղբահանություն չի կատարվում, իսկ փողոցներում իրականացվող շինաշխատանքների հետևանքով բնակելի տարածքներում փոշու ամպ է բարձրանում:

 

Նրան պատասխանեց ՀՀ տարածքային կառավարման նախարար Սուրեն Պապիկյանը՝ նշելով, որ Երևանում աղբահանության վիճակն իրոք բավականին ծանր է: «Դա մենք տեսնում ենք ամենօրյա ռեժիմով: Սակայն խնդիրը «Սանիթեքի» ու քաղաքապետարանի միջև կնքված պայմանագրի և դրա պարտավորությունները չկատարելու մեջ է: Մեր անմիջական մասնակցության պայմաններում արդեն երկորրդ անգամ է՝ «Սանիթեք» ընկերությունը քաղաքապետարանի կողմից տուգանվում է: Ես մի քանի անգամ հանդիպում եմ ունեցեել ընկերության գործադիր տնօրենի հետ, և նրանք խնդիրը կապում են նրա հետ, որ տարիներ շարունակ ավտոպարկը չի թարմացվել, մեքենաների մի զագալի հատվածը գտնվում է խափանված վիճակում»,- ասաց նախարարը:

 

Նա նաև փաստեց, որ այդ խնդիրը նոր չէ, և նախորդ ամռանը Երևանի բնակիչներն այս խնդրի հետ բախվել են: «Այո՛, Երևանը քաղաքապետ չունի, բայց ունի քաղաքապետի պաշտոնակատար, և նա մշտապես իր մասնակցությունն է ունենում այս հարցում, հավելյալ տեխնիկա է ներգարավում, որ հնարավոր լինի աղբահանությունը հավուր պատշաճի իրականացնել: «Սանիթեքի գործադիր տնօրենն էլ ինձ է ներկայացրել այն պայմանագրերը, որոնց համաձայն՝ ևս 5 աղբահանող մեքենա ուրբաթ օրը կլինեն Հայաստանի սահմանին: Սա հույս է ներշնչում, որ հնարավոր կլինի իրականացնել աղբահանությունը պատշաճ կերպով, ինչև նորընտիր քաղաքապետը կա՛մ կվերանայի ընկերության հետ պայամանգիրը, կա՛մ էլ, ես կարծում եմ, տեղին է երկորրդ օպերատորի ներգրավումը ՝ մրցակցություն ապահովելու համար»,- նշեց Պապիկյանը:

 

Ինչ վերաբերում է քանդված փողոցներին, նա հայտնեց, որ դեպի Արգավանդ տանող հատվածը վերանորոգվում է Ֆրանկոֆոնիայի միջոցառումների անցկացման նպատակով, իսկ մյուս փողոցներում ջրամատակարարման ցանցի վերանորոգման աշխատանքներ են: Նախարարը խոստացավ այդ խնդիրը փոխանցել քաղաքապետի պաշտոնակատարին և լուծումներ գտնել:  

 

   

 

 


    Լրահոս
    Օրացույց
    Ամենաընթերցված
    Եկեղեցական օրացույց
    /