• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 20, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Լրահոս, Հայաստան
14.09.2018 | 13:23

Սա քարոզարշավ չէ՝ շոու է. Արարատ Զուրաբյան

Թող մեկը չկարծի, որ իրեն "սպիտակ" հռչակելով մեզանից ավելի լավ է պայքարելու քոչարյանների և ժամանակին իշխանությունն ուզուրպացրածների դեմ: Այսօր լրագրողների հետ զրույցում ասաց «Ծառուկյան» խմբակցության պատգամավոր, Երևանի ավագանու ընտրություններին «Երևանցիներ» դաշինքի քաղաքապետի թեկնածու Արարատ Զուրաբյանը:

Զուրաբյանն ընդգծեց, որ Երևանի քաղաքացին շատ ուշադիր պետք է լինի ընտրություն կատարելիս, որպեսզի հերթական անգամ չսխալվի.

«Բոլոր չափահաս մարդիկ պետք է գիտակցեն՝ սխալվելու իրավունքն իրենցն է, բայց պատասխանատվությունն էլ իրենք են կրում, որովհետև մեր քաղաքացիներն են իրենց ուսերի վրա կրելու այդ որոշման հետևանքը: Երևանցիները շատ ուշադիր պետք է լինեն ընտրություն կատարելիս, որպեսզի հետո չասեն՝ վայ սխալվեցինք»:

Ի պատասխան ՀԱՅ ՁԱՅՆ լրատվականի հարցին, թե Երևանի ավագանու ընտրություններում Արարատ Զուրաբյանն ակնկալում էր Գագիկ Ծառուկյանի աջակցությունը, հայտնի գործարարն այսօր որքանո՞վ է աջակցում իրեն՝ քաղաքապետի թեկնածուն արձագանքեց. «Ինքը՝ Գագիկ Ծառուկյանը հայտարարել է, որ «Ծառուկյան» դաշինքն ունի երկու թեկնածու, և ես շատ գոհ եմ, որ դա այդպես է: Բնականաբար՝ «Բարգավաճ Հայաստան» կուսակցությունը պաշտպանում է Նաիրա Զոհրաբյանի թեկնածությունը, բայց կոնկրետ «Ծառուկյան» դաշինքն ավելի ընդգրկուն միավոր է, և բազմաթիվ մարդիկ այդ դաշիքից պաշտպանում են ինձ, իմ կողքին են: Կա նաև հետևյալը, կարծում եմ՝ «Ծառուկյան» դաշինքն ի դեմս ինձ և Նաիրա Զոհրաբյանի, եթե հաջողություն ունենա, մենք ի վիճակի ենք ճիշտ որոշում ընդունելու և միասնաբար շարունակելու մեր գործունեությունը՝ ի շահ Երևան քաղաքի»:

Ճշտեցինք,  թե հնարավո՞ր է համագործակցություն տեսնենք հենց ընտրությունների ժամանակ:

«Ընտրությունների ժամանակ յուրաքանչյուրը ներկայացնում է իր թիմին, իր ծրագրերը, բայց միաժամանակ կա ընտրություններին հաջորդող փուլ և այդտեղ, կարծում եմ,  կլինեն լուծումներ»:

Հետաքրքրվեցինք՝ քարոզարշավում քիչ ենք տեսնում պարոն Զուրաբյանին, ի՞նչ հանգամանքով է պայմանավորված այս երևույթը, Զուրաբյանը նշեց, որ շոուների սիրահար չէ.

   «Քարոզարշավ չեմ ուզում կոչել այն՝ ինչին դուք ականատես եք: Դա քարոզարշավ չէ՝ դա շոու է, ես շոումեն չեմ ու չեմ սիրում ավելորդ խոսել: Ընդհանրապես, գտնում եմ, որ մարդը պետք է զբաղվի  նրանով՝ ինչով կարողանում է զբաղվել: Ես կարող եմ գնալ, որևէ հրապարակում թռվռալ, ցույց տալ, որ մարդիկ են հավաքված, դրանով չէ, որ երևանցին պետք է առաջնորդվի: Ուզում եմ ասել հետևյալը՝ դիլետանտներին հեռու պահեք ձեզանից, շատ հարգում եմ բոլոր թեկնածուներին որպես մարդ, բայց երևանցին պետք է ուշադիր լինի՝ ով կարող է այդ գործը անել, թող նրան էլ վստահեն»,-եզրափակեց քաղաքապետի թեկնածուն:



    Լրահոս
    Օրացույց
    Ամենաընթերցված
    Եկեղեցական օրացույց
    /