• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 20, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս, Հայաստան
14.09.2018 | 14:05

Ռուսական կողմին տեղեկացրել ենք սահմանային կրակոցների և Նախիջևանում տեղաշարժերի մասին. Հայկ Բաբուխանյան

Հեղինակ՝ Գոհար Ավետիսյան 

Սեպտեմբերի 10-ին Ռուսաստանի Դաշնության Պետդումայի ԱՊՀ հարցերի, եվրասիական ինտեգրման և հայրենակիցների հետ կապերի կոմիտեի ղեկավար Լեոնիդ Կալաշնիկովը Մոսկվա-Բաքու հեռուստակամուրջի ժամանակ խոսել էր ղարաբաղյան հակամարտության լուծման մասին և հայտարարել. «Ոչ մի Մինսկի խումբ չի կարող լուծել Լեռնային Ղարաբաղի խնդիրը, որքան էլ չափազանցվի նրա գործունեությունն ու նշանակությունը. այդ հարցը կարող են լուծել միայն Ադրբեջանի, Ռուսաստանի և Հայաստանի ղեկավարները»:

Այս հայտարարության վերաբերյալ ՀԱՅ ՁԱՅՆ լրատվականին մեկնաբանություն էր տվել Արցախի նախագահի մամուլի քարտուղար Դավիթ Բաբայանը, ով նշել էր. «Դա պարոն Կալաշնիկովի անձնական կարծիքն է», միաժամանակ հավելել. «Ռուսաստանի ղեկավարությունը բազմիցս հայտարարել է, որ այդ ձևաչափը միակն է, և նույնիսկ անթույլատրելի են համարել որևէ փոփոխություն կամ այլ կողմերի անդամակցություն այս եռանախագահությանը: Այսինքն, գոյություն ունի ձևաչափ, որից պաշտոնական Կրեմլը չի հրաժարվել»,- ասել էր Բաբայանը՝ ՀԱՅ ՁԱՅՆ-ի հետ զրույցում:

Երեկ՝ սեպտեմբերի 13-ին, Լեոնիդ Կալաշնիկովի ղեկավարած պատվիրակությունը ժամանեց Հայաստան և հանդիպում ունեցավ խորհրդարանականների հետ: Հանդիպման ժամանակ քննարկվե՞լ է: արդյոք, պարոն Կալաշնիկովի առաջ քաշած մոտեցումը՝ փորձեցինք ճշտել ՀՀԿ ԱԺ խմբակցության պատգամավոր Հայկ Բաբուխանյանից, ով ներկա է գտնվել հանդիպմանը:

«Իր այդ մոտեցմանը տեղյակ չեմ, և հանդիպման ժամանակ էլ իր կողմից չի հնչել նման հայտարարություն»,- ասաց մեր զրուցակիցը:

Նա տեղեկացրեց, որ ռուսական պատվիրակության հետ հանդիպման ժամանակ հայկական կողմը մտահոգություն է հայտնել, որ Արցախի, Նախիջևանի և Տավուշի՝ Ադրբեջանի հետ սահմանային հատվածներում, կրակոցներ են հնչում և կուտակումներ են նկատվում: «Ռուսական պատվիրակությանը տեղեկացրել ենք նաև, որ Նախիջևանի կողմում տեղաշարժեր կան: Այդ ամենի վերաբերյալ անհանգստություն ենք հայտնել և նշել, որ Թուրքիան և Ադրբեջանը տարածաշրջանում անվտանգության սպառնալիք են հանդիսանում»,- ասաց Բաբուխանյանը:

Ինչպիսի՞ն է եղել ռուսական պատվիրակության արձագանքը՝  հարց ուղղեցինք պատգամավորին: «Իրենք ընդունվել են ի գիտություն մեր ասածը»,- պատասխանեց նա՝ հավելելով, որ բանակցային գործընթացի և այդ հարցում Ռուսաստանի դերակատարության մասին չեն խոսել:

Կալաշնիկովի վերոնշյալ հայտարարությունից հետո մտահոգություն առաջացավ՝ գուցե Ռուսաստանը ձգտում է ձևաչափի փոփոխությո՞ւն անել և ԼՂ հիմնահարցի բանակցային գործընթացում ուժեղացնել սեփական դերակատարությունըՊատգամավոր Հայկ Բաբուխանյանը այդպիսի միտում չի նկատում. «Երեկվա մեր հանդիպման ժամանակ նոր ձևաչափի, դերերի վերաբաշխման վերաբերյալ խոսք չի եղել»,- ասաց պատգամավորը:



    Լրահոս
    Օրացույց
    Ամենաընթերցված
    Եկեղեցական օրացույց
    /