Բանաստեղծությանս մայր ակունքը մայրենի հողն է, մայրենի լեզուն է, ազգի մշտատևության մեծ խորհուրդը։ Սրանց ավելացրած համամարդկային չմեռնող զգացմունքները
Հովհաննես Շիրազ

Բացառում եմ, որ կարող են որևէ պաշտոնյայի գլխին «գործ սարքել». Լենա Նազարյան

am en
bacaroum-em--or-karox-en-oree-pastonyayi-glxin-gorc-sarqel-lena-nazaryan

Մենք ոչինչ չգիտենք, մեզ հասանելի չեն փաստերը: Քննություն է ընթանում: Այս մասին այսօր ԱԺ-ում լրագրողների հետ զրույցում ասաց ՀՀ ԱԺ փոխխոսնակ ՆԼենա Նազարյանը՝ անդրադառնալով ՊՎԾ պետ Դավիթ Սանասարյանին մեղադրանք առաջադրելու հանգամանքին:

Նազարյանը նշեց, որ ամենահամառ բանն աշխարհում փաստն է, փաստերը կներկայացվեն, իրենք էլ տեղյակ կլինեն:

«Մենք ասել ենք, որ կոռուպցիայի դեմ պայքարում, չարաշահումների, վատնումների դեմ պայքարում մարդկանց յուրայինների և օտարների չենք բաժանելու, ինչպես նախկինում է եղել: Նման բան չի լինելու: Կարծում եմ, արդեն համոզվել եք, քանի որ կոռուպցիայի դեմ պայքարում ներգրավված են եղել և՛ փոխնախարար, և՛ հարկային ու մաքսային գործիչներ»,- նշեց Նազարյանը:

Լրագրողները հետաքրքրվեցին, թե արդյո՞ք ԱԱԾ գործողություններին կասկածելու հիմքեր կան, ԱԺ փոխնախագահն ասաց, որ որևէ մեկի հանդեպ կասկած չունի. փաստեր կլինեն, կխոսեն բոլորը: Նազարյանը հավելեց, որ վստահում է ԱԱԾ-ին, իսկ Դավիթ Սանասարյանը կարող է ինքն իրեն պաշտպանել:

ԱԱԾ-ի և ՊՎԾ-ի միջև հակասությունը, ըստ Նազարյանի, բնավ չի հեղինակազրկում Նիկոլ Փաշինյանին և գործող իշխանությանը: «Գուցե նախկինում էլ եղել են տարակարծություններ, բայց դրանց մասին հասարակությունը որևէ տեղեկություն չի ունեցել: Բոլոր հարցերը լուծվել են ներքին կարգով: Իսկ այժմ բարձրաձայնվում են, և մենք հնարավորություն ունենք տեղյակ լինել և դատել փաստերով»:

Նազարյանը բացառեց, որ որևէ պաշտոնյայի գլխին որևէ մեկը կարող է «գործ սարքել»: «Բացառում են նաև, որ որևէ մեկը՝ մեղավոր լինելու պարագայում անպատիժ մնա»,- ընդգծեց Նազարյանը:

Լրահոս

Ամենաընթերցվածը

Նմանատիպ նորություններ