Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Ցավում եմ, որ Արամ Սիմոնյանն այդ որոշումը շուտ չընդունեց. Արայիկ Հարությունյան

am
cavoum-em--or-aram-simonyann-ayd-orosoume-sout-cendounec-arayik-haroutyounyan

Ես ցավում եմ, որ Արամ Սիմոնյանն այդ որոշումը շուտ չընդունեց և ԵՊՀ-ն ևս մի քանի տարով հետ գցեց: Այս մասին այսօր լրագրողների հետ զրույցում ասաց ՀՀ կրթության և գիտության նախարար Արայիկ Հարությունյանը՝ անդրադառնալով ԵՊՀ ռեկտոր Արամ Սիմոնյանի հրաժարականին:

«Կարծում եմ, որ ցանկացած ղեկավար, հատկապես մեծ հիմնարկի ղեկավար, ժամանակից շուտ հեռանալիս պետք է խոսի այն հաջողությունների և անհաջողությունների մասին, որոնք ունեցել է, այլ ոչ թե փորձի ուրիշներին ինչ-որ բաներում մեղադրել: Արժանապատիվ հեռանալը շատ լավ բան է, սակայն այս դեպքում ես նման գործելաոճ չտեսա»,- ասաց նախարարը

Վերջինս հավելեց, որ ռեկտորի թեկնածուի մասին դեռևս քննարկումներ չեն ունեցել:

«Ի՞նչ դիմադրություն, ի՞նչ պայքար… Ես ցավում եմ, որ Արամ Սիմոնյանն այդ որոշումը շուտ չընդունեց և ԵՊՀ-ն ևս մի քանի տարով հետ գցեց: Այն հետընթացը, որը կար ԵՊՀ-ում, ակներև է, և կարծում եմ` մի քիչ էլ խղճի խայթ է ունեցել, որ հիմա հրաժարական է տվել, որովհետև ակնհայտ է, որ նրա օրոք ԵՊՀ-ն լուրջ նահանջ է ունեցել»,- ասաց Հարությունյանը:

Նախարարը խոսեց նաև ԵՊՀ հոգաբարձուների խորհրդի կազմի հնարավոր փոփոխությունների մասին: Այս առիթով նա ասաց.

«Մենք հարգանքով ենք մոտենում բոլոր այն որոշումներին, որոնք հոգաբարձուների խորհուրդներն ընդունում են: Եթե մենք ցանկանայինք ունենալ այնպիսի հոգաբարձուների խորհուրդ, որը ԵՊՀ-ում եղել է Արամ Սիմոնյանի օրոք, միանշանակ կարող էինք այդպիսի խորհուրդ ձևավորել, որն ամբողջությամբ կենթարկվեր նախարարությանը և պետությանը, բայց դուք տեսել եք, որ մենք այդպիսի բան չենք անում»,- ասաց նախարարը:

Վերջինս հավելեց, որ հոգաբարձուների խորհրդում փոփոխություններ չեն սպասվում, եթե  ինչ-ինչ պատճառներով անդամներն իրենք դիմում չներկայացնեն:

Լրահոս

Ամենաընթերցվածը

Նմանատիպ նորություններ