Բանաստեղծությանս մայր ակունքը մայրենի հողն է, մայրենի լեզուն է, ազգի մշտատևության մեծ խորհուրդը։ Սրանց ավելացրած համամարդկային չմեռնող զգացմունքները
Հովհաննես Շիրազ

Ես պարոն Ծառուկյանի կողմից վճարվող հարկերով չեմ զբաղվում. Գևորգ Պետրոսյան (տեսանյութ)

es-paron-caroukyani-koxmic-vjarvox-harkerov-cem-zbaxvoum-georg-petrosyan-tesanyout

«Գագիկ Ծառուկյանը ձեռնարկատիրական գործունեությամբ չի զբաղվում, նա խոշոր սեփականատեր է»,- այս մասին ՀԱՅ ՁԱՅՆ-ի հետ զրույցում ասաց ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը՝ անդրադառնալով վերջերս Գագիկ Ծառուկյանի շուրջ բարձրացած աղմուկին:

Հիշեցնենք, որ «Քաղաքացու որոշում» կուսակցությունը դիմել է ԱԺ նախագահին և գլխավոր դատախազին՝ պահանջելով Գագիկ Ծառուկյանին պատգամավորական մանդատից զրկելու գործընթաց սկսել՝ հաշվի առնելով պատգամավորի ձեռնարկատիրական գործունեությամբ զբաղվելու արգելքը:

«Մարդուն շատ բան կարելի է վերագրել, բայց կա «օրենք» հասկացության սահմանում: Եթե ասում ենք ձեռնարկատիրական գործունեությամբ զբաղվել, հասկանում ենք հենց ձեռնարկատիրությունը: Բայց դուք գիտեք, որ պարոն Ծառուկյանը հայտարարել է, այդ մասին նաև բարձրաձայնել է երկրի վարապետը, որ պարոն Ծառուկյանը խոշոր սեփականատեր է, բայց ոչ անձնական մասնակցությամբ ձեռնարկատիրական գործունեություն իրականացնող անձ: Հիմա եթե ինչ-որ մարդիկ այդ կարծիքին են, թող գնան ու ապացուցեն»,- նշեց պատգամավորը:

Ինչ վերաբերում է Գագիկ Ծառուկյանի՝ խոշոր հարկատու լինելուն, պարոն Պետրոսյանն ասաց. «Ես պարոն Ծառուկյանի կողմից վճարվող հարկերով չեմ զբաղվում, այդպիսի տեղեկատվութուն չունեմ: Համենայն դեպս այն, որ Գագիկ Ծառուկյանի շնորհիվ Հայաստանի Հանարապետությունում տասնյակ հազարավոր մարդիկ ընտանիք են պահում, որևէ մեկի համար նորություն չէ»:

Հետաքրքրվեցին, թե ինչո՞վ է պայմանավորված այն հանգամանքը, որ հիմա է նման աղմուկ բարձրացել Ծառուկյանի շուրջ, արդյո՞ք որևէ միտում նկատելի է: Պատգամավորն այս առնչությամբ նշեց. «Չեմ բացառում, բայց հակված եմ սա դիտել որպես ցուցում ամենավերին օղակներից: Այս պահին իմ վարկածն այն է, որ այդ կուսակցության ներկայացուցիչներն այլ կերպ չեն կարողանում ճանաչում ձեռք բերել ժողովրդի մոտ և ուզում են Ծառուկյանի հաշվին ինքնահաստատվել»:

Լրահոս

Ամենաընթերցվածը

Նմանատիպ նորություններ