Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

  Ես ռեկտորների թեկնծությունները չեմ մեկնաբանում. ԿԳ նախարար

am
es-rektorneri-tekncoutyounnere-cem-meknabanoum-kg-naxarar

Վերջին զանգի օրերին դրամահավաքի դեպքերի ահազանգեր եղա՞ն, թե՞ ոչ, լրագրողի հարցին՝  Կրթության և գիտության նախարար Արայիկ Հարությունյանն ասել է.

«Գրեթե չենք ունեցել, ֆիքսվում է, որ այս տարի շատ նվազել են ահազանգերը:  Այն դպրոցները, որտեղ գնացի՝ թե՛ ծնողները, թե՛ երեխաները մոտենում ասում էին, որ այս տարի աննախադեպ է եղել՝ դրամահավաքի առումով, որևէ դեպք չի գրանցվել, որևէ պարտադրանք չի եղել: Չեմ կարող ասել, որ դրամահավաք չի եղել, բայց շատ քիչ է եղել»:

Հարց ուղղվեց, թե կան խոսակցություններ, որ սեպտեմբերից դպրոցներում պարտադիր առարկա կարող է դառնալ «հանդուրժողականություն» անունով առարկան, նախարարը պատասխանեց՝ չեմ մեկնաբանում որովհետև նման թեմա չի քննարկվում:

Մամուլը գրում է, որ ԿԳ նախարարությունը ԵՊՀ ռեկտորի իր թեկնածուն ունի՝ խոսքը Գեղամ Գևորգյանի մասին է, նախարարը հերքեց՝ ասելով. «Այսօր խորհրդի նիստն է ու թեկնածուները կառաջադրվեն:  Ես խորհրդի նիստերը, ռեկտորների թեկնածությունները չեմ մեկնաբանում»:

Որևէ կերպ չեք ներգրավվա՞ծ այդ քննարկումներին՝ հարցին ասաց. «Որպես նախարար քննարկում եմ, բայց ես հանրայնորեն չեմ մեկնաբանում որևէ թեկնածություն, որպեսզի դա հետագայում չդիտվի ուղղորդում»:

Անդրադառնալով Արամ Սիմոնյանի հեռանալու փաստին, Հարությունյանն ասաց.«Վաղուց պետք է գնար ու այդ ուշացումը հետ գցեց ԵՊՀ-ի զարգացումը»:

Լրահոս

Ամենաընթերցվածը

Նմանատիպ նորություններ