Դավիթ Վանյան <<Մենք ձեզ հող չենք տա>>

Մենք ձեզ հող չենք տա, Այստեղ վերքեր կան, Այստեղ ոտքեր են ականով հատվել, Այստեղ ոգեղեն մեր զավակների Սուրբ հոգիներն են երկնքին փարվել։

Опубликовано Ծաղկի շուրթերից Воскресенье, 29 июля 2018 г.

Հայաստանը դուրս է գալիս Մադրիդյան սկզբունքների գերության շղթայից. Լևոն Շիրինյան

hayastane-dours-e-galis-madridyan-skzbounqneri-geroutyan-sxtayic-leon-sirinyan

ՀԱՅ ՁԱՅՆ լրատվականի զրուցակիցն է Հայաստանի «Քրիստոնեա-ժողովրդական վերածնունդ» կուսակցության նախագահ, քաղաքագետ Լևոն Շիրինյանը:

-Այսօր Ստեփանակերտում՝ Հայաստանի և Արցախի Անվտանգության խորհուրդների համատեղ նիստի ժամանակ ՀՀ վարչապետ Նիկոլ Փաշինյանը հայտարարեց, որ Հայաստանի Հանրապետության և Արցախի Հանրապետության հարաբերությունները թևակոխում են որակապես մի նոր փուլ: Ըստ Ձեզ՝ ի՞նչ ուղերձ ուներ Արցախում ԱԱԽ նիստի անցկացումն ու այս հայտարարությունը:

-Հայաստանի վարչապետը Ստեփանակերտում ազգային անվտանգության խորհրդի համատեղ նիստ անցկացնելով ՝ վերահաստատեց Լեոնիդ Ազգալդյանի ասածը՝ «սա Հայաստան է, և վերջ»: Այսինքն, Հայաստանը նորից իր իրավազորությունն է վերահաստատում իր ամբողջ տարածքում: Այլապես այնպիսի պատկեր էր առաջացել, որ Արցախը կարող է առանձին պետություն լինել: Հիմա այդ թեման փակվեց: Այս նիստի անցկացումը և Նիկոլ Փաշինյանի հայտարարությունը ուղերձ է Հայաստանի և Արցախի բնակչությանը, «հինգերորդ շարասյանն» ու աշխարհին, որ սա միացյալ պետություն է: Ճիշտ է՝ վարչապետն ուղիղ չի ասում, բայց ես՝ որպես մասնագետ, կասեմ, սա սուվերենության վերահաստատում կամ վերափաստարկում է:

-Հայաստանի վարչապետը, Անվտանգության խորհրդում հնչեցրած իր ելույթում, անդրադարձավ ԵԱՀԿ Մինսկի խմբի համանախագահների կողմից առաջ քաշվող Մադրիդյան սկզբունքների և 6 տարրերի տարընթերցման խնդրին՝ ասելով, որ առաջիկա բանակցային գործընթացի կարևորագույն նպատակը պետք է լինի դրանց պարզաբանումը: Արդյո՞ք սա նշանակում է, որ Հայաստանը ցանկանում է վերանայել հայկական կողմի համար խիստ վտանգավոր՝ այդ չարաբաստիկ մադրիդյան սկզբունքները:

- Ես ինքս վաղուց եմ ասում, որ այդ սկզբունքները պետք է փոխվեն: Ժամանակն է, որ մենք գնանք՝ այդ սկզբունքներից դուրս գալու կամ դրանք վերաձևակերպելու ճանապարհով: Կարծում եմ, այդ գործընթացը սկսված է: Պարզ է, որ Հայաստանը գերտերություն չէ և չի կարող հայտարարել մի բան, որը շոկային վիճակ կառաջացնի, սակայն, ըստ իս, այս հայտարարությունը վկայում է, որ Հայաստանը էվոլուցիոն ճանապարհով դուրս է գալիս Մադրիդյան սկզբունքների գերության շղթայից: Սա թավշյա հեղափոխության ուղիղ արդյունք կարող եք համարել, և սա պետք է ողջունվի: Նաև այսպիսի մի բան կա, Հայաստանի իշխանությունը լրացուցիչ պարտականության տակ է մտնում, որ գնա դեպի ազգային շահերի վերականգնում: Դա արդեն արվում է Արցախի հարցում:

-Մինսկի խմբի համանախագահներն իրենց վերջին հայտարարության մեջ ակնարկում են, որ այս փուլում Արցախը չի կարող մասնակից լինեն բանակցություններին: Ստեփանակերտում անցկացված ԱԱԽ համատեղ նիստը և Փաշինյանի հայտարարություններն արդյո՞ք դրա պատասխանն էին:

-Այո, գործընթացը սկսված է:

-Բայց Հայաստանը միայնակ ի զորո՞ւ է վերափոխել այդ ընթացքը:

-Այո՛, Հայաստանը շատ բանի է ի զորու: Հայությունն ունի երկու պետություն, Հայաստանն ունի աշխարհասփյուռ հայություն, հայկական լոբբի: Թեև դրան զուգահետ Հայաստանն ունի նաև վտանգավոր հետնախորշ՝ «հինգերերոդ շարասյուն», որն այսօր ներկայանում է Սերժի ու Ռոբերտի ռեժիմի մնացուկների տեսքով: Եթե նախորդ նախագահները քծնում էին իրենց նյութականի ու գրպանի համար, Մոսկվայից ստանում էին թույլտվություններ, հիմա այդ խնդիրը չկա:

Մենք պատերազմ չենք հայտարարում աշխարհին, մենք պաշտպանում են մեր ազգային, պետական շահերը, մենք վերահաստատում ենք մեր իրավունքները մեր հայրենիքի նկատմամբ:

-Եթե Փաշինյանի առաջ քաշած այս մոտեցումը ևս ընդունելի չլինի, դա ինչի՞ է հանգեցնելու:

-Մենք համառորեն կգնանք այդ ճանապարհով: Եթե չէ, Հայաստանը ժամանակին կարող է հայտարարել, որ Մինսկի խումբը կողմնակալ է, օբյեկտիվ չէ, և կարող է դուրս գալ այդ գործընթացից:

-Բայց բանակցությունների դադարեցումը չի՞ հանգեցնի պատերազմի:

-Պատերազմական գործողությունները դրա հետ կապ չունեն: Ադրբեջանը, երբ իրեն լավ զգաց՝ այդ օրը գործողություն է սկսելու: Բայց ամենակարևորը. եթե մեր հայրենիքը կորստյան և ժողովրդի ոչնչացման եզրին է հայտնվում, ապա մենք պետք է պատերազմենք: Իհարկե, պատերազմը ցանկալի չէ: Բայց հայրենիքի կորո՞ւստն է ձեռնտու, թե՞ պատերազմելը: Եթե 1914 թվականին ի վիճակի լինեինք պատերազմելու, կցեղասպանվեի՞նք: Իհարկե ոչ:

Լրահոս

Ամենաընթերցվածը

Նմանատիպ նորություններ