Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Հնարավոր է չեղարկվեն Ստամբուլի քաղաքապետի ընտրությունները. Էրդողան

am en
hnaravor-e-cexarkven-stambouli-qaxaqapeti-entroutyounnere-erdoxan

Թուրքիայի նախագահ Ռեջեփ Թայիփ Էրդողանը հայտարարել է, որ Ստամբուլում կայացած տեղական ինքնակառավարման մարմինների ընտրություններում արձանագրված խախտումների պատճառով ընտրությունների արդյունքները կարող են չեղարկվել: Այս մասին Թուրքիայի ղեկավարն ասել է ինքնաթիռում լրագրողների հետ զրույցում ՌԴ-ից վերադառնալիս: Այս մասին հայտնում է թուրքական «Sabah» թերթը:

«Եթե Ստամբուլում, որտեղ բնակվում է գրեթե 11 միլիոն ընտրողր, ձայների քանակի տարբերությունը կազմում է ընդամենը 30 հազար, բողոքների պատճառով էլ թիվը նվազել է մինչև 13 հազար, ապա մենք պետք է շարունակենք մեր պայքարը: Պետք է ցրել բոլոր կասկածները, այս իրավիճակը նույնիսկ կարող է հանգեցնել ընտրությունների չեղարկման», - ընդգծել է նա:

Էրդողանը հայտարարել է, որ անհրաժեշտ է հարգել Թուրքիայի Կենտրոնական ընտրական հանձնաժողովի ցանկացած որոշում:

Նա նաև հայտարարել է, որ ընտրություններում ձայների վերահաշվումը ստանդարտ պրակտիկա է: Էրդողանը հիշեցրել է, որ ԱՄՆ մի շարք նահանգներում նախորդ Ֆլորիդայում նախագահական ընտրությունների ժամանակ վերահաշվարկ եղել է:

Հիշեցնենք, որ մարտի 31-ին Թուրքիայում տեղի ունեցան ՏԻՄ ընտրություններ, որոնց ընթացքում իշխող «Արդարություն և զարգացում կուսակցությունը» (ԱԶԿ) 2002-ից ի վեր առաջին անգամ կորցրեց Անկարայում և Ստամբուլում քաղաքապետի պաշտոնը:

Լրահոս

Ամենաընթերցվածը

Նմանատիպ նորություններ