Բանաստեղծությանս մայր ակունքը մայրենի հողն է, մայրենի լեզուն է, ազգի մշտատևության մեծ խորհուրդը։ Սրանց ավելացրած համամարդկային չմեռնող զգացմունքները
Հովհաննես Շիրազ

«Կանայք, ովքեր փոխել են աշխարհը»՝ ՌԱԿ Շիրակի մարզային գրասենյակում

am es
kanayq--ovqer-poxel-en-asxarhe-rak-siraki-marzayin-grasenyakoum

Կանանց տոնի առթիվ Ռամկավար Ազատական կուսակցության Շիրակի մարզային գրասենյակը ՌԱԿ և համակիր կանանց ու աղջիկների համար գեղեցիկ անակնկալ էր պատրաստել: Հյուրընկալվել էին ոչ միայն Շիրակի մարզի ՌԱԿ ակումբների՝ «Արշակ Չոպանյան», «Արագած» և «Փանոս Թերլեմեզյան» կանայք, այլև նրանք, ովքեր իրենց ազդեցությունն են ունեցել պատմության ընթացքի վրա:

Մարզային կառույցի համակարգող Հովիկ Կարապետյանը ՌԱԿ կենտրոնական վարչության և Գերագույն խորհրդի անունից ջերմորեն շնորհավորեց կուսակից և համակիր կանանց ու աղջիկներին Մարտի 8-ի կապակցությամբ: Ելույթ ունեցավ նաև «Խորանարդ» ինտելեկտուալ ակումբի տնօրեն Արմեն Պետրոսյանը, ով արդեն հինգերորդ անգամ իր ուսանելի, թեմատիկ ցուցադրություններով և ինտելեկտուալ խաղով մեծ ոգևորություն է առաջացնում մասնակից երիտասարդների շրջանում:

Շնորհանդես-ցուցադրությունը այս անգամ շատ ավելի բազմաշերտ և հետաքրքրական էր, և ուներ հետևյալ ծրագիրը.

· Լյուդվիգ վան Բեթհովեն, «Էլիզեին» դաշնամուրային երգ-պոեմի ունկնդրում,

· «Նշանավոր կանայք»՝ բանավոր հարցումներ մասնակիցներին,

· «Կանայք, ովքեր փոխել են աշխարհը» - շնորհանդեսի ներկայացում.,

· Կինոարվեստի պատմության ամենագեղեցիկ կինը` Օդրի Հեփբերն,

· «Ոգեշնչող կանայք»` Գալա-Դալի, Յոկո-Ջոն, Ժակլին-Արիստոտել և այլք,

· Օնլայն խաղ՝ «Կանանց հետ կապված հետաքրքիր թվեր»,

· Իմաստության բանալի «Cherchez la femme»,

Խոսեցինք, ճանաչեցինք, բացահայտեցինք շուրջ 37 կնոջ: Նրանց շարքերում էին Աննա Ֆրանկը,Մայր Թերեզան, Աննա Ասլանը, Մոդ Վագները,Կոկո Շանելը, Մարգարետ Թետչերը և այլք:

Գործի դրվեցին մասնակիցների բջջային հեռախոսները, միացան առցանց եղանակով խաղին, գրանցվեցին Kahoot.com հավելվածում և մտան լարված մրցապայքարի մեջ: Խաղի հաղթողները պարգևատրվեցին գիրք-մրցանակներով:

Ակումբի ստեղծագործող անդամներ Էմմա Գրիգորյանը, Շուշանիկ և Անի Ղազարյանները ներկայացան իրենց բանաստեղծությունների ընթերցմամբ՝ նվիրված տոնի խորհրդին:

Հատկապես ջերմորեն ընդունվեց փոքրիկ Անիի արտասանությունն ու երգը՝ նվիրված մայրիկներին:

Հաջորդ խաղափուլը հետևյալն էր. աշխարհի հայտնի զույգերի լուսանկարները կիսվել և բաժանվել էր մասնակիցների միջև: Խաղավարի հրահանգով երիտասարդները գտնում էին իրենց կիսված լուսանկարի հաջորդ կեսը և հանձնում խաղավարին:

Այնուհետև տեղի ունեցավ համակարգչային անվճար դասընթացների ուսուցման վկայականների հանձնում թվով 10 մասնակիցների՝ MsOffice, Corol drow, Photoshop ծրագրերից: Վկայականներ ստացողները շնորհակալություն հայտնեցին մարզային գրասենյակին և դասավանդող ուսուցիչներին իրենց օգտակար գիտելիքներ հաղորդելու համար:

Խիստ տպավորիչ անակնկալ էր Թերլեմեզյան ակումբի անդամ, մարմնամարզուհի, ՇՊՀ ուսանողուհի Ջուլիետա Խաչատրյանի մարմնամարզական համարի ցուցադրությունը, որն ընդունվեց բուռն ծափահարություններով:

Ապա կայացավ գլխավոր ինտելեկտուալ խաղը՝ 18-33 տարեկան երիտասարդների միջև՝ «Աշխարհի զարմանահրաշ կանայք» վերտառությամբ: Ակումբի անդամները գրավեցին հետևյալ տեղերը և ստացան հիշարժան գիրք-մրցանակներ. 3-րդ մրցանակ՝ Գոռ Հովհաննիսյան, 2-րդ մրցանակ՝ Նունե Գալոյան և 1-ին մրցանակ՝ Լարիսա Գալոյան:

Ողջ միջոցառման ընքացքում թավջութակահար, միջազգային մրցույթի դափնեկիր, ՌԱԿ անդամ Միքայել Պետրոսյանի թովիչ երաժշտությունն անպակաս էր:

Կանանց և աղջիկների շնորհավորանքը վերջում տեղափոխվեց տոնական սեղանի շուրջ: Սրահում գտնվող բոլոր գեղեցիկ սեռի ներկայացուցիչները հեռացան մի փունջ ժպիտով, բարձր տրամադրությամբ, ինչպես նաև մի տրցակ հետաքրքաշարժ նվեր-գրքերով:

ՌԱԿ Շիրակի «Փանոս Թերլեմեզյան» երիտասարդական ակումբի անդամ

Էմմա Գրիգորյան

Լրահոս

Ամենաընթերցվածը

Նմանատիպ նորություններ