Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Կարսի նորընտիր քաղաքապետը նշել է, որ իշխող ուժն ընտրություններում չստացավ ծրագրած արդյունքը

am
karsi-norentir-qaxaqapete-nsel-e--or-isxox-oujn-entroutyounneroum-cstacav-cragrac-ardyounqe

Թուրքիայում մարտի 31-ին կայացած ՏԻՄ ընտրություններում Կարսում հաղթած «Ժողովուրդների դեմոկրատական կուսակցության» (ԺԴԿ-HDP) թեկնածու Այհան Բիլգենը անդրադարձել է կուսակցության ձայների նվազմանը:

«Էրմենիհաբեր»-ի փոխանցմամբ, Այհան Բիլգենը կուսակցությունն առաջիկայում հայտարարություն կանի Թուրքիայի արևելյան նահանգներում քիչ քվե ստանալու վերաբերյալ:

Բիլգենի փոխանցմամբ` Կարսում նախընտրական քարոզչության ընթացքում իշխանությունները ձեռնամուխ են եղել, որ մարդիկ իրենց ինքնության վախով գնան քվեարկության, սակայն ժողովուրդը դրան ուշադրություն չի դարձրել:

«Ժողովուրդը փոփոխության պահանջ ուներ: Այդ իսկ պատճառով «Ջումհուր» (Cumhur-Ժողովուրդ) դաշինքը» չստացավ այն արդյունքը, որը ծրագրել էր փողոցում և քվեատուփում»,- ասել է քաղաքապետը:

Կարսի քաղաքապետի խոսքով` արևելյան և հարավ-արևելյան նահանգներում իշխանությունները հայտարարություններ էին տարածում, որ HDP-ի հաղթելու դեպքում պետության կողմից նորից հոգաբարձուներ են նշանակվելու:

«Ընտրողի կամընտրության վրա մի շարք հայտարարություններով իշխանությունները փորձեցին ազդել: Բացի այդ ընտրության օրը նույնպես տարբեր խմբերով փորձեցին ազդել ընտրողի վրա: Մեր կուսակակիցներին անգամ ձերբակալեցին»,- նկատել է տվել Բիլգենը:

Լրահոս

Ամենաընթերցվածը

Նմանատիպ նորություններ