Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Մոբիլիզացիա է անհրաժեշտ, բոլորը պետք է իմանան իրենց դերն ու նշանակությունը պատերազմական իրավիճակում. Կարեն Վարդանյան

mobilizacia-e-anhrajest--bolore-petq-e-imanan-irenc-dern-ou-nsanakoutyoune-paterazmakan-iravijakoum-karen-vardanyan

Տեղեկատվական տոխնոլոգիաների ոլորտից կառավարությաննո ւղղված քննադատությունները դրական իմաստեվ տեղ են հասել, պաշտոններից հեռացվել են կաշառակերությամբ զբաղվող պաշտոնյաները և դաշտ է ստեղծվել համագործակցության համար: Այս մասին նշեց Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը՝ նշելով, որ հունիսի 1-ին և 2-ին Դիլիջանի Մոնթե Մելքոնյան վարժարանում անցկացվել է կոնֆերանս բոլոր կողմերի մասնակցությամբ:

«Հանդիպումը կազմակերպել էր Առաջատար տեխնոլոգիաների ձեռնարկությունների միությունը Ռազմարդյունաբերության պետական կոմիտեի և Ռազմարդյունաբերական ձեռնարկությունների միության աջակցությամբ: Ներկա էին մոտ 30 ձեռնարկություն, նաև Ազգային անվտանգության ծառայությունը, ֆինանսների նախարարությունը, ՀՀ զինված ուժերը: Քննարկում էինք ռազմարդյունաբերության հետ կապված երեք հիմանակն խնդիրներ՝ գնումների մեխանիզմները ռազմարդյունաբերության մեջ, ընդհանրապես ռազմարդյունաբերության կառուցվածքը և առաջատար զինատեսակների ստեղծման դյուրացման մեխանիզմները, փորձակունսուլտորական աշխատանքների գնման մեխանիզմները: Կարող եմ ասել, որ բավական լավ քննարկում ստացվեց»,- ասաց Վարդանյանը:

Նա նկատեց, որ այս բնագավառում առաջնահերթ խնդիրը մասնագետների պակասն է: «Մեզ մոտ մասնագետների սով կա սկսած գործարանում խառատներից մինչև նախագծողներ և այլն: Մասնագետների լուրջ պակաս կա զենքի վաճառքի բնագավառում, որովհետև դա էլ ուրույն բնագավառ է: Չկան գլխավոր մասնագետներ, որոնք շատ տարբեր նախագծային և արտադրական կոմպլեքսներ են ղեկավարում:

Մյուս կողմից բոլորս պետք է հասկանանք, որ հիմա պատերազմը ոչ միայն ֆիզիկական բնույթ է կրում, այլ նաև ուղղված է նաև մարդկանց ուղեղներին, մարդկանց ապագայի նկատմամբ պատկերացումներին: Այդ պատերազմը այսօր գնալով ավելի հզոր է դառնում: Եվ եթե անգամ մենք պատրաստենք, ինժիներական մասնագետներ կամ զեմքեր նախագծենք, դա քիչ է լինելու»,- նշեց մեր զրուցակիցը:  

Կարեն Վարդանյանի խոսքով՝ այսօր թեև կա դրական առաջխաղացում, իրենք կարողանում են իրար հետ նստել, քնարկել, բայց համագործակցության մակարդակը շատ ցածր է. «Մեր երկրում պետք է մոբիլիզացիա լինի: Դա վերաբերում է  և՛ մարդկային ուժին, և՛ այն ռեսուրսներին, որ պատերազմի ժամանակ պետք է լինելու մեզ, է՛ մասնագիտական ներուժին: Մենք պետք է իմանանք, թե պատերազմի ժամանակ զենք ով է արտադրելու, խրամատում ով է լինելու և այլն: Սա չկա: Սա իրականում անվտանգության խորհրդի խնդիրն է, այսինքն, այդ խորհրդին պետք է լրիվ այլ առաջադրանք տանք: Բոլորը միասին պետք է նախագծեն և հայտարարեն իրենց դերն ու նշանակությունը միբլիզիացիայի և պաերազմական իրավիճակի ժամանակ, հակառակ դեպքում կրկին ունենալու ենք 2016-ի ապրիլը, երբ երիտասարդները հայրենասիրությունից մղված  գնալու են Ստեփանակերտի հրապարակում հավաքվեն և 4-5 օր չեն իմանալու՝ ինչ անեն»:

Լրահոս

Ամենաընթերցվածը

Նմանատիպ նորություններ