Դժվար էր մեր ուղին, բայց նպատակը վեհ էր, իսկ դեպի վեհ նպատակ տանող ուղին հաղթանակն է
Մոնթե Մելքոնյան (Ավո)

NASA-ն պատրաստվում է ուսումնասիրել Սատուռնի խոշորագույն արբանյակը՝ Տիտանը

am en
nasa-n-patrastvoum-e-ousoumnasirel-satourni-xosoragouyn-arbanyake-titane

ԱՄՆ-ի Օդագնացության եւ տիեզերական տարածության հետազոտման ազգային վարչությունը (NASA) կուղարկի Dragonfly («Ճպուռ») տիեզերական ապարատը Սատուռնի խոշորագույն արբանյակի՝ Տիտանի հետազոտության համար: Հունիսի 27-ին այդ մասին հայտնել է Միացյալ Նահանգների տիեզերական գերատեսչության տնօրեն Ջեյմս Բրայդենսթայնը, նրա ելույթը հեռարձակվել է վարչության կայքում

«Այսօր ես հպարտությամբ հայտարարում եմ, որ New Frontiers («Նոր սահմաններ») ծրագրով մեր առաքելությունը՝ Dragonfly անվանումով, կհետազոտի Սատուռնի խոշորագույն արբանյակը՝ Տիտանը: Dragonfly-ն կդառնա առաջին անօդաչու վայրԷջքային մոդուլը, որն ունակ կլինի ավելի քան 100 մղոն (160 կիլոմետր) հաղթահարելու Տիտանի խիտ մթնոլորտում»,- հայտարարել է նա:

«Տիտանը ոչ մի այլ վայրի նման չէ մեր Արեգակնային համակարգում: Եվ ամենից շատ այն նման է վաղ Երկրագնդին: Գործիքները, որոնցով սարքավորված է ապարատը, մեզ թույլ կտան հետազոտել օրգանական նյութերը, գնահատել կյանքի համար պիտանությունը եւ զբաղվել այն քիմիական մարկյորների որոնմամբ, որոնք կվկայեն այնտեղ կյանքի գոյությունն անցյալում կամ նույնիսկ դրա ներկայությունն այժմ»,- հավելել է Բրայդենսթայնը:

Տիտանը Սատուռնի խոշորագույն արբնայակն է եւ մեծությամբ երկրորդն Արեգակնային համակարգի մյուս մոլորակների արբանյակների թվում: Ըստ որում չափով այն գերազանում է Մերկուրի մոլորակին: Դա միակ արբանյակն է, որը խիտ մթնոլորտ ունի, հաղորդել է ՏԱՍՍ-ը:

Լրահոս

Ամենաընթերցվածը

Նմանատիպ նորություններ