Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Պոլսահայության աղոթքն ու խոնարհումն՝ իր հոգևոր առաջնորդի հիշատակին

am es
polsahayoutyan-axotqn-ou-xonarhoumn-ir-hogeor-arajnordi-hisatakin

Թուրքիայի հայ համայնքն իր խոնարհումն է բերում Պոլսո Պատրիարքական Աթոռի 84-րդ գահակալ Տ. Մեսրոպ արք. Մութաֆյանի հիշատակին:

Ինչպես տեղեկանում ենք Պոլսո «Ժամանակ» օրաթերթից, հայությունը աղոթքով, ծաղիկներով, մոմերով պատրաստվում է հրաժեշտ տալ լուսահոգի Մեսրոպ պատրիարքին։

Այսօր Պատրիարքարանում տեղի են ունեցել ժողովներ՝ կապված սրբազան հոր հուղարկավորության, թաղման արարողության կազմակերպչական աշխատանքների հետ:

Կրոնական ժողովի նիստի ընթացքում տեղեկացվել է, որ Մութաֆյան պատրիարքի հուղարկավորության առթիվ պատարագելու է Մայր Աթոռ Սուրբ Էջմիածնի դիվանապետ Տ. Արշակ եպսկ. Խաչատրյանը։ Վերջին օծումը կատարելու է Երուսաղեմի Հայոց Պատրիարք Տ. Նուրհան արք. Մանուկյանն, ով այսօր ժամանելու է Ստամբուլ։ Ն.Ս.Օ.Տ.Տ. Գարեգին Բ Ամենայն Հայոց կաթողիկոսի պատգամն ընթերցելու է Արևմտյան Եվրոպայի հայրապետական պատվիրակ և Վատիկանում Հայաստանյայց Առաքելական Եկեղեցու մշտական ներկայացուցիչ Տ. Խաժակ արք. Պարսամյանը, ով գլխավորելու է հուղարկավորությանը մասնակցող Մայր Աթոռ Սուրբ Էջմիածնի պատվիրակությունը։ Այդ պատվիրակության կազմում է լինելու նաև Գուգարաց թեմի առաջնորդ Տ. Սեպուհ արք. Չուլջյանը։

Հիշեցնենք, որ 10 տարուց ավելի ծանր հիվանդությունից տառապող Պոլսո Մութաֆյան պատրիարքը կյանքից հեռացել է մարտի 8-ին: Վերջինիս հուղարկավորությունը տեղի կունենա մարտի 17-ին, նրա աճյունը կամփոփվի Ստամբուլի Շիշլիի հայկական գերեզմանատունը:

Լրահոս

Ամենաընթերցվածը

Նմանատիպ նորություններ